MNP - ဒီဇင်ဘာ ၂၁
မွန်ပြည်နယ်၊ပေါင်မြို့နယ်တွင် ရေချိုသယံဇာတထိန်းသိမ်းရေး အကြောင်းသိကောင်းစရာ အသိပညာပေး(Talk Show) ကို ပြန်ကြားရေးနှင့်ပြည်သူ့ဆက်ဆံရေးဦးစီးဌာန Community Centre ခန်းမ၌ ယနေ့ နေ့လယ်ကပြုလုပ်ခဲ့သည်။
ရှေးဦးစွာ ပြန်ကြားရေးနှင့်ပြည်သူ့ဆက်ဆံရေးဦးစီးဌာန ဦးစီးအရာရှိ ဒေါ်တင်ဇာစိုးက ( Talk Show) ပြုလုပ်ရခြင်း၏ရည်ရွယ်ချက်ကိုပြောကြားသည်။
ထို့နောက် သထုံခရိုင်ပတ်ဝန်းကျင်ထိန်းသိမ်းရေးဦးစီးဌာန ဒုတိယဦးစီးမှုး ဒေါ်ဖြိုးမို့အောင်က ရေသယံဇာတနှင့်ပတ်သတ်သည့်အကြောင်းအရာများ၊လူသားနှင့်အပင်တို့အတွက် ရေဟာဘယ်လောက်ထိအရေးပါပုံ၊လူသားနှင့်အပင်တို့အတွက် အလွန်အရေးပါလှတဲ့ သယံဇာတတစ်ခုဖြစ်တဲ့ ရေကိုအရင်းအမြစ်တွေကနေ ရရှိနိုင်ပုံ၊သက်ရှိလောကအတွက်အလွန်အရေးကြီးတဲ့ ရေသယံဇာတများ တစ်နေ့တစ်ခြားရှားပါးလာရတဲ့အကြောင်းအရာများ၊လူသားတွေနဲ့သက်ရှိလောကတစ်ခုလုံးဟာရေထုညစ်ညမ်းမှုအပြင်ရေရှားပါးလာနေတာကိုကြုံတွေ့နေရသည့်အခက်အခဲများ၊စိန်ခေါ်မှုများ၊ရေချွေတာသုံးစွဲသင့်သည့်အချက်များ စသည့် အကြောင်းအရာများကိုဆွေးနွေးခဲ့သည်။
ပြန်ကြားရေးနှင့်ပြည်သူ့ဆက်ဆံရေးဦးစီးဌာန အနေဖြင့် ( Talk Show) ပြုလုပ်ခြင်းဖြင့် ပြည်သူများအသိပညာများတိုးပွားစေရန်ရည်ရွယ်ပါသည်။
https://t.me/MyanmarNationalPost
No comments:
Post a Comment