MNP - ဒီဇင်ဘာ ၂၇
ရခိုင်ပြည်နယ် ၊ မြောက်ဦးခရိုင် ၊ မြောက်ဦးမြို့၌ (Working Group) မြေမြင်ကွင်းဆင်း စာရင်း ကောက်ယူရေးကြီးကြပ်မှု ကော် မတီ၏အိမ်ထောင်စုလူဦး ရေမြေပြင်ကွင်း ဆင်းစာရင်း ကောက်သင်တန်းဖွင့်ပွဲအခမ်းအနား ကို ယနေ့ နံနက် ၉ နာရီခွဲအချိန်က ထမ္မရာဇ်ရပ်ကွက် မြို့နယ် အထွေထွေအုပ်ချုပ်ရေးဦးစီးဌာနရုံးဟောင်း အစည်းအဝေးခန်းမ၌ ကျင်းပပြုလုပ်ခဲ့ကြောင်း သိရ သည်။
ထို့နောက် အခမ်းအနားတွင် မြို့နယ် (Working Group) မြေပြင်ကွင်းဆင်း စာရင်းကောက်ယူရေး ကြီးကြပ်မှုကော်မတီ ဥက္ကဌ ၊ မြို့နယ်စီမံအုပ်ချုပ်ရေး ဥက္ကဌ ဦးစိုးစိုးသက် မှ အဖွင့်အမှာ စကားပြော ကြားခဲ့သည်။ မြို့နယ် (Working Group ) မြေပြင်ကွင်းဆင်းစာရင်းကောက်ယူရေးကြီးကြပ်မှုကော်မတီ အတွင်းရေးမှူး ဦးရဲထွန်းက လူဦးရေးစာရင်းမှန်ကန်စေရေး ၊ မြေပြင်ကွင်းဆင်းတိုက် ဆိုင်စစ်ဆေး ရန်အတွက် မြို့နယ် ရပ်ကွက် /ကျေးရွာအုပ်စုများတွင် မြေပြင်ကွင်းဆင်းစောရင်း ကောက်ယူရေး ကြီးကြပ်မှုကော်မတီနှင့် မြေပြင်ကွင်းဆင်းကောက်ယူရေးအဖွဲ့ မြို့နယ် (Working Group) ကို ဖွဲ့စည်းပြီးဖြစ်ရာ အဆိုပါအဖွဲ့၏ ဆောင်ရွက်ရမည့်ကိစ္စရပ်နှင့်ပတ်သက်၍ အသေးစိတ်ပြောကြားပြီး မြို့နယ်အဆင့်မြေပြင်ကွင်းဆင်းစာရင်းကောက်သင်တန်း.သား များအနေဖြင့် သင်ကြားပို့ချမှုအပေါ်အ လေး ထား သင်ယူကြရန် စသည်တို့ကို ရှင်းလင်းပြောကြားခဲ့သည်။
ဆက်လက်၍ သင်တန်းဖွင့်ပွဲအခမ်းအနားသို့ မြို့နယ်စီမံအုပ်ချုပ်ရေးအဖွဲ့ ဥက္ကဌ ဦးစိုးစိုးသက်နှင့် အဖွဲ့ဝင်များ ၊ မြို့နယ်အဆင့်ဌာနဆိုင်ရာများ ၊ လူမှုရေးအသင်းအဖွဲ့များ နှင့် သင်တန်းသား များ တက်ရောက်ကြပြီး မြောက်ဦးမြို့နယ်အတွင်း မြေပြင်ကွင်းဆင်းစာရင်းကောက်ယူခြင်းကို ၂၀၂၃ ခုနှစ် ဇန်နဝါရီလ ၉ ရက်နေ့မှ စတင်၍ စာရင်းများကွင်းဆင်းကောက်ခံ သွားမည်ဖြစ်ကြောင်း သိရသည်။
မြင့်စိုး ၊ စိုးငြိမ်းနိုင်
https://t.me/MyanmarNationalPost
No comments:
Post a Comment