MNP ၊ ဇန်နဝါရီ ၁၉
ရခိုင်ပြည်နယ်၊ ပုဏ္ဏားကျွန်းမြို့နယ်၌ ကျောင်းနေအရွယ်ကလေးများ ကျန်းမာပျော်ရွှင်စွာပညာသင်ကြားနိုင်ရန်ရည်ရွယ် ၍ ကျောင်းအခြေပြု အခြေခံပညာကျောင်းများမှ အသက် ၅ နှစ်မှ ၁၂ နှစ်အထိ၊ ကျောင်းသား၊ ကျောင်းသူများအား ထပ်ဆောင်း ကိုဗစ်-၁၉ ရောဂါ ကာကွယ် ဆေး(Myancopharm)ထိုးနှံပေးခြင်းကို ယနေ့၊ နံနက်ပိုင်းက ပုဏ္ဏားကျွန်းမြို့နယ် ယိုးတရုပ်ကျေးရွာ၊ အခြေခံပညာမူလတန်း(လွန်)ကျောင်းတွင် ထိုးနှံပေးလျက်ရှိသည်။
ထိုသို့ကာကွယ်ဆေးထိုးနှံခြင်းကို မြို့နယ်စီမံအုပ်ချုပ်ရေးအဖွဲ့ဥက္က ဦးမောင်စံဝင်းနှင့် အဖွဲ့ဝင်များ ကြီးကြပ်မှုဖြင့် မြို့နယ်ကျန်းမာရေးဦးစီးဌာနမှူး ဒေါက်တာ အောင်စစ်ထွန်း ဦးဆောင်သည့် ကျန်းမာရေးဝန်ထမ်းများက ကာကွယ် ဆေးထိုးနှံခြင်းမပြုမီ ကိုယ်အပူချိန် တိုင်းတာခြင်း၊ သွေးပေါင်ချိန်တိုင်းတာ ခြင်းစသည့် ကျန်းမာရေးစစ်ဆေးမှုများ ဆောင်ရွက် ပေးပြီး၊ ပုံမှန်အခြေအနေရှိသူများကိုသာ ထပ်ဆောင်း ကိုဗစ်-၁၉ ကာကွယ်ဆေး (Myancopharm)အားထိုးနှံပေးခဲ့သည်။
ပုဏ္ဏားကျွန်းမြို့နယ်အတွင်း ထပ်ဆောင်း ကိုဗစ်-၁၉ ကာကွယ်ဆေးထိုးနှံမည့် ကျောင်းသား/သူ(၁၄၃၃၂)ဦးရှိရာ ယမန်နေ့က အခြေခံပညာကျောင်း(၇) ကျောင်းတွင် ထပ်ဆောင်း ကိုဗစ်-၁၉ ကာကွယ်ဆေး(Myancopharm)ထိုးနှံသူ(၄၇၃)ဦးရှိပြီး၊ ယနေ့အထိ ထပ်ဆောင်း(Booster)ကိုဗစ်-၁၉ ကာကွယ် ဆေး ထိုးနှံပြီးစီးသူ(၈၅၆၃)ဦးရှိကြောင်း မြို့နယ် ကိုဗစ်-၁၉ ကာကွယ်ထိန်းချုပ်ရေးနှင့်အရေးပေါ်တုံ့ပြန်ရေးကော်မတီထံမှသိရသည်။
နီထွန်းအောင်
https://t.me/MyanmarNationalPost
No comments:
Post a Comment