MNP - ဇန်နဝါရီ ၂၇
စစ်ကိုင်းတိုင်းဒေသကြီး၊ ရေဦးခရိုင်၊ ရေဦးမြို့ရှိ ဘုန်းတော်ကြီးကျောင်းများသို့ မြို့နယ်စီမံအုပ်ချုပ် ရေးအဖွဲ့မှ ဆွမ်းဆန်တော်၊ ဆီ၊ ဆား၊ ပဲနှင့် လှူဖွယ်ပစ္စည်းများ ဆက်ကပ် လှူဒါန်းပွဲ အခမ်းအနားကို ဇန်နဝါရီလ(၂၆)ရက် နေ့လည်(၁)နာရီအချိန်က ရေဦးမြို့၊ အောင်ချမ်းသာရပ်ကွက်ရှိ မဟာဓမ္မာရုံကျောင်းတိုက်တွင် ကျင်းပြုလုပ်ခဲ့ကြသည်။
ရှေးဦးစွာ လှူဒါန်းပွဲ အခမ်းအနားတွင် မြို့နယ်သံဃာ့နာယက ဥက္ကဋ္ဌ ကျောင်းထိုင် ဆရာတော် ဘဒ္ဒန္တ ကုမာရက နိဗ္ဗာန်ရောက်ကြောင်းတရားတော်များကို ဟောကြားချီးမြှင့်တော်မူခဲ့ပြီး တာဝန်ရှိသူများက ဆရာတော်ထံ ဆန်(၅)အိတ်၊ ဆီ(၁၅)ပိဿာ၊ ဆား(၂၅)ပိဿာနှင့် ကုလားပဲ (၁၀)ပိဿာစသည့် လှူဖွယ်ပစ္စည်းများကို ဆပ်ကပ်လှူဒါန်းခဲ့ကြသည်။
အဆိုပါ လှူဒါန်းပွဲအခမ်းအနားသို့ မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးမင်းနိုင်ထွန်းနှင့် အဖွဲ့ဝင်များ မြို့နယ်မိသားစုစည်းရုံးရေးနှင့် စည်းကမ်းထိန်းသိမ်းရေးကော်မတီဥက္ကဋ္ဌ ဒေါ်မျိုးမျိုးထိုက်နှင့် အဖွဲ့ဝင်များ၊ မြို့နယ်ရဲတပ်ဖွဲ့မှူးနှင့် တပ်ဖွဲ့ဝင်များ၊ မြို့နယ်အဆင့်ဌာန ဆိုင်ရာများ၊ မြို့နယ် မီးသတ်တပ်ဖွဲ့ဝင်များ တက်ရောက်ခဲ့ကြကာ လှူဒါန်းပွဲအပြီးတွင် မဟာဓမ္မာရုံ ကျောင်းတိုက်အတွင်းရှိ စေတီများတွင် ထုံးသင်ကန်း ကပ်လှူခြင်း၊ ဘုရားရေ သပ္ပါယ်ခြင်းနှင့် ဘုရား ပုရဝုဏ်အတွင်း စုပေါင်းသန့်ရှင်းရေးများ ဆောင်ရွက်ခဲ့ကြကြောင်း သိရှိရပါသည်။
https://t.me/MyanmarNationalPost
No comments:
Post a Comment