MNP - ဇန်နဝါရီ ၂၆
ပြည်ထောင်စုနယ်မြေ၊ လယ်ဝေးမြို့နယ်၊ သီရိရတနာဈေးတွင် မြို့နယ်မီးသတ်ဉီးစီးဌာနမှ မီးဘေးအန္တရာယ်ကင်းဝေးစေရေးအတွက် မီးဘေးလုံခြုံရေး အသိပညာပေးဟောပြောခြင်းနှင့် လက်တွေ့သရုပ်ပြခြင်းများကို ယနေ့နံနက်ပိုင်းက ဆောင်ရွက်ခဲ့သည်။
ရှေးဦးစွာ မြို့နယ်မီးသတ်ဦးစီးမှူးဦးဝင်းကျော်က ဈေးတာဝန်ခံရုံးမှ ဝန်ထမ်းများနှင့် ဈေးသူ ဈေးသားများ၊ ဈေးလုံခြုံရေးဝန်ထမ်းများအား မီးဘေးလုံခြုံရေးနှင့် မီးဘေးအန္တရာယ် ကြိုတင် ကာကွယ်ရေးဆိုင်ရာဆောင်ရန်ရှောင်ရန်အချက်များ၊ မီးသတ်ဆေးဘူး စနစ်တကျကိုင်တွယ် အသုံးပြုတတ်စေရန် စသည်တို့ကို ရှင်းလင်းဆွေးနွေးသည်။
ဆက်လက်၍ မြို့နယ်မီးသတ်ဦးစီးမှူးနှင့် မီးသတ်တပ်ဖွဲ့ဝင်များက မီးသတ်ဆေးဘူးကို စနစ်တကျကိုင်တွယ်အသုံးပြုတတ်စေရန်နှင့် ဂက်စ်မီးငြှိမ်းသတ်မှုများကိုလက်တွေ့သရုပ်ပြကာ ဈေးသူဈေးသားများအား ကိုယ်တိုင်လက်တွေ့မီးငြှိမ်းသတ်စေခြင်းများ ဆောင်ရွက်ခဲ့သည်။ ထို့နောက် ဈေးဆိုင်ခန်းများနှင့် ဈေးမီးဘေးလုံခြုံရေးဆောင်ရွက်ထားရှိမှုများအား စစ်ဆေးခဲ့ကြောင်း သိရသည်။
ဝေကြည်
https://t.me/MyanmarNationalPost
No comments:
Post a Comment