MNP - ဇန်နဝါရီ ၁၃
ရန်ကုန်တိုင်းဒေသကြီး တိုက်ကြီးခရိုင် တိုက်ကြီးမြို့နယ်တွင် ၂၀၂၂-၂၀၂၃ ပညာသင်နှစ် ပညာရေးစုံညီပွဲတော်နှင့် ပညာရည်ချွန်ဆုချီးမြှင့်ပွဲအခမ်းအနားကို ယမန်နေ့နံနက် ၉ နာရီအချိန်က အ.ထ.က (တိုက်ကြီး) ကျောင်း အနော်ရထာခန်းမ၌ ကျင်းပခဲ့သည်။
ရှေးဉီးစွာ အထက (တိုက်ကြီး) ကျောင်း Grade 10 မှ ကျောင်းသား၊ ကျောင်းသူလေးများက “ကြိုဆိုပါသည် စုံညီပွဲတော်” သီချင်းဖြင့် သီဆို၍အခမ်းအနားကို စတင်ဖွင့်လှစ်ပြီး Grade 7 မှ ကျောင်းသူများက ကဗျာလွတ်အကဖြင့် ကပြဖျော်ဖြေသည်။ ဆက်လက်၍ ခရိုင်ပညာရေးမှူး ဒေါ်သီတာမင်းက အဖွင့်အမှာစကား ပြောကြားကာ ကျောင်းအုပ် ဆရာမကြီး ဒေါ်ခင်မိုးအောင်က အမှာစကားပြောကြားသည်။ ထို့နောက် ကျောင်းအကျိုးတော်ဆောင်အဖွဲ့များအား ဂုဏ်ပြုမှတ်တမ်းများပေးအပ်ခြင်းနှင့် ဘက်စုံထူးချွန်ဆုရရှိသော ကျောင်းသား၊ ကျောင်းသူများအားဆုများကို ချီးမြှင့်ပေးအပ်ခဲ့သည်။ ထို့နောက် အ.ထ.က (တိုက်ကြီး) ကျောင်းမှ ကျောင်းသား ကျောင်းသူများက ဖျော်ဖြေရေးအစီအစဉ်များဖြင့် ကပြသီဆိုဖျော်ဖြေခဲ့ကြောင်း သိရသည်။
အဆိုပါ ပညာရေးစုံညီပွဲတော်နှင့် ပညာရည်ချွန်ဆုချီးမြှင့်ပွဲအခမ်းအနားသို့ တိုက်ကြီးခရိုင် ပညာရေးမှူးနှင့်အဖွဲ့၊ ဌာနဆိုင်ရာများ၊ ကျောင်းအကျိုးတော်ဆောင်များ၊ ကျောင်းဆရာ ဆရာမများ၊ ကျောင်းသားမိဘများနှင့် ကျောင်းသား ကျောင်းသူများ တက်ရောက်ခဲ့ကြ ကြောင်း သိရသည်။
စန်းကလျာခိုင်
https://t.me/MyanmarNationalPost
No comments:
Post a Comment