MNP - ဇန်နဝါရီ ၃
"ဝ"ကိုယ်ပိုင် အုပ်ချုပ်ခွင့်ရတိုင်း၊ ဟိုပန်ခရိုင်၊ ဟိုပန်မြို့နယ်တွင် ၂၀၂၃ ခုနှစ်၊ (၇၅)နှစ်မြောက် စိန်ရတုလွတ်လပ်ရေးနေ့အထိမ်းအမှတ်အကြိုအဖြစ် ဝန်ထမ်းပေါင်းစုံ ဖူဆယ်(အမျိုးသား)ဘောလုံးအားကစားပြိုင်ပွဲ ကျင်းပလျက်ရှိရာ ယမန်နေ့မွန်းလွဲ(၃)နာရီက A21 ဖူဆယ်အားကစားကွင်း၌ ဆီမီးဖိုင်နယ်ပွဲစဉ်များ ဆက်လက်ယှဉ်ပြိုင်ကစားခဲ့ကြသည်။
ယနေ့ ယှဉ်ပြိုင်ကစားခဲ့သည့် ဆီမီးဖိုင်နယ်ပွဲစဉ်ဖူဆယ်(အမျိုးသား)ဘောလုံးအားကစားပြိုင်ပွဲတွင် အား/ကာအသင်းက ဆောက်လုပ်ရေးအသင်းကို (၈)ဂိုး(၇)ဂိုးဖြင့်လည်းကောင်း၊ မီးသတ်(ခ)အသင်းက မြို့ပြအိမ်ရာအသင်းကို (၁၀)ဂိုး (၅)ဂိုးဖြင့်လည်းကောင်း အသီးသီးယှဉ်ပြိုင် အနိုင်ရရှိခဲ့သည်။
ဝန်ထမ်းပေါင်းစုံ ဖူဆယ်(အမျိုးသား) ဘောလုံးအားကစားပြိုင်ပွဲကို ဒီဇင်ဘာလ(၃၀)ရက်နေ့ကစတင်၍ ယှဉ်ပြိုင်ကစားခဲ့ရာ "ဝ"ကိုယ်ပိုင်အုပ်ချုပ်ခွင့်ရတိုင်း၊ ဟိုပန်မြို့ရှိ ဆောက်လုပ်ရေးအသင်း၊ အား/ကာအသင်း၊ မီးသတ်(က)အသင်း၊ မီးသတ်(ခ)အသင်း၊ မြို့ပြအိမ်ရာအသင်း၊ စိုက်ပျိုးရေးနှင့်သစ်တောအသင်း၊ "ဝ"တိုင်းထွေ/အုပ်အသင်းစသည့် ဖူဆယ်ဘောလုံးအသင်း(၇)သင်း ဝင်ရောက်ယှဉ်ပြိုင်ခဲ့ကြသည်။
အဆိုပါ ပြိုင်ပွဲတွင်ဆုရရှိသည့်အသင်းများအား "ဝ"ကိုယ်ပိုင်အုပ်ချုပ်ခွင့်ရတိုင်း၊ ဟိုပန်မြို့နယ်တွင်ကျင်းပမည့် (၇၅)နှစ်မြောက် စိန်ရတုလွတ်လပ်ရေးနေ့အထိမ်းအမှတ် အခမ်းအနား၌ ဆုများချီးမြှင့် ပေးအပ်သွားမည်ဖြစ်ကြောင်း သိရသည်။
ဇင်ဇင်
https://t.me/MyanmarNationalPost
No comments:
Post a Comment