MNP - ဇန်နဝါရီ ၁၈
သာသနာရေးနှင့် ယဉ်ကျေးမှုဝန်ကြီးဌာန ပြည်ထောင်စုဝန်ကြီး ဦးကိုကိုသည် မြန်မာနိုင်ငံ ဆိုင်ရာ ထိုင်းနိုင်ငံသံအမတ်ကြီး H.E. Mr.Mongkol Vlsitstump ဦးဆောင်သော ကိုယ်စားလှယ် အဖွဲ့ကို ယနေ့မွန်းလွဲ ၂ နာရီတွင် နေပြည်တော်ရှိ သာသနာ ရေးနှင့် ယဉ်ကျေးမှုဝန်ကြီးဌာန ပြည်ထောင်စုဝန်ကြီး ၏ ဧည့်ခန်းမ၌ လက်ခံတွေ့ဆုံသည်။
ပညာသင်ကြားရန်ဖိတ်ခေါ်
တွေ့ဆုံစဉ် ပြည်ထောင်စုဝန်ကြီးက မိမိတို့ ဝန်ကြီးဌာနအနေဖြင့် ထေရဝါဒဗုဒ္ဓသာသနာ ပြန့်ပွားရေးနှင့် မြန်မာ့ရိုးရာယဉ်ကျေးမှုအမွေအနှစ် ထိန်းသိမ်းကာကွယ် စောင့်ရှောက်ရေး လုပ်ငန်းများကို အဓိကဆောင်ရွက်လျက်ရှိပါကြောင်း၊ မြန်မာ-ထိုင်းနှစ်နိုင်ငံ ပူးပေါင်း၍ ယဉ်ကျေးမှုဖလှယ်ရေး လုပ်ငန်းများ ဆောင်ရွက်လိုပါကြောင်း၊ တက္ကသိုလ်များအကြား၊ ရှေးဟောင်းသုတေသန လုပ်ငန်းများ၊ ပြတိုက်လုပ်ငန်းများ ပူးပေါင်းဆောင်ရွက်လိုပါ ကြောင်း၊ ထိုင်းနိုင်ငံမှ ပြည်သူများ၊ သံဃာတော်များကို အပြည်ပြည်ဆိုင်ရာ ထေရဝါဒဗုဒ္ဓသာ သနာပြု တက္ကသိုလ်တွင်လည်း လာရောက်ပညာသင်ကြားရန် ဖိတ်ခေါ်ပါကြောင်း ပြောကြားသည်။
သံအမတ်ကြီးက မြန်မာနိုင်ငံမှ ၂၀၂၃ ခုနှစ် ဇန်နဝါရီ ၁၉ ရက်တွင် ကျင်းပမည့် မဲခေါင်-လန်ချန်း ဒေသရိုးရာအကပွဲတော်သို့ တက်ရောက်မည် ဖြစ်ပါကြောင်း၊ မြန်မာနိုင်ငံမှ ကျင်းပမည့် အလားတူ ပွဲတော်များတွင်လည်း ထိုင်းနိုင်ငံမှ ပါဝင်ဆင်နွှဲရန် ဆန္ဒရှိပါကြောင်း၊ အဆိုပါကဏ္ဍများတွင် ပူးပေါင်း ပါဝင်ခြင်းဖြင့် နှစ်နိုင်ငံအကြား ရင်းနှီးချစ်ခင်မှုကို ပိုမိုရရှိမည်ဖြစ်ပါကြောင်း၊ ကိုဗစ်-၁၉ ကပ်ရောဂါ အား ထိန်းချုပ်နိုင်ပြီဖြစ်သည့်အတွက် နှစ်နိုင်ငံ ပူးပေါင်း၍ ပွဲတော်များ ပူးပေါင်းဆောင်ရွက်လိုပါ ကြောင်းနှင့် ခရီးသွားလာရေး ဖွံ့ဖြိုးတိုးတက်ရေး အတွက်လည်း ပူးပေါင်းဆောင်ရွက်လိုပါကြောင်း ပြောကြားသည်။
တွေ့ဆုံပွဲသို့ သာသနာရေးနှင့် ယဉ်ကျေးမှုဝန်ကြီး ဌာန ဒုတိယဝန်ကြီး (သာသနာရေး) ဦးအေးထွန်းနှင့် ဒုတိယဝန်ကြီး (ယဉ်ကျေးမှု) ဒေါက်တာမိုးဇော်ထွန်း၊ ဒုတိယအမြဲတမ်းအတွင်းဝန်များ တက်ရောက်ကြသည်။
https://t.me/MyanmarNationalPost
No comments:
Post a Comment