MNP - ဇန်နဝါရီ ၁
ကျေးလက်ဒေသဖွံ့ဖြိုးတိုးတက်ရေးဦးစီးဌာန၊ သံတွဲမြို့နယ်ကျေးလက်ဒေသ ဖွံ့ဖြိုးတိုးတက်ရေးဦစီးဌာနမှ ၂၀၂၂ - ၂၀၂၃ ဘဏ္ဍာရေးနှစ်၊ ကျေးရွာဖွံ့ဖြိုးတိုးတက်ရေးလုပ်ငန်း စီမံကိန်း(VDP) ရန်ပုံငွေဖြင့် ဆောင်ရွက်ခဲ့သည့် ဒါးသွေးကျောက်ကျေးရွာတွင်း ကွန်ကရစ်လမ်းသစ်ဖွင့်ပွဲကို ယနေ့နံနက်ပိုင်းက ကျင်းပသည်။
ကွန်ကရစ်လမ်းသစ်ဖွင့်ပွဲတွင် သံတွဲမြို့နယ် စီမံအုပ်ချုပ်ရေးအဖွဲ့ဥက္ကဋ္ဌ၊ ဦးမောင်သာစိန်က အဖွင့်အမှာစကား ပြောကြားပြီး သံတွဲမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာန၊ မြို့နယ်ဦးစီးမှူး ဦးထွန်းသန်းဇော်က ကျေးရွာတွင်းကွန်ကရစ်လမ်းခင်းခြင်းလုပ်ငန်း ဆောင်ရွက်ခဲ့မှုနှင့် ပတ်သက်၍ ရှင်းလင်းပြောကြားသည်။
ထို့နောက် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးမောင်သာစိန်၊ မြို့နယ်စီမံအုပ်ချုပ်ရေးအဖွဲ့ဝင် ဒေါက်တာ စိုးမြင့်၊ မြို့နယ်မွေးမြူရေးနှင့်ကုသရေး ဦးစီးဌာနမှူး ဒေါက်တာ ကောင်းမြတ်သူနှင့် တာဝန်ရှိသူများက ကွန်ကရစ်လမ်းအား ဖဲကြိုးဖြတ် ဖွင့်လှစ်ပေးကြပြီး ကျေးရွာလမ်းကော်မတီတစ်ဦးက ကျေးဇူးတင်စကား ပြောကြားသည်။
အဆိုပါ ကျေးရွာတွင်း ကွန်ကရစ်လမ်းကို နိုင်ငံတော်ထောက်ပံ့ငွေကျပ်သိန်း (၁၀၀)၊ ပြည်သူ ထည့်ဝင်ငွေ (၁၀) သိန်း၊ စုစုပေါင်းငွေကျပ် (၁၁၀)သိန်းဖြင့် အလျား ၄၀၄ ပေ၊ အကျယ် ၁၀ ပေ၊ ထု ၆ လက်မခင်းခြင်းကို ဆောင်ရွက်ခဲ့ခြင်းဖြစ်ကြောင်း မြို့နယ်ကျေးလက်ဒသဖွံ့ဖြိုးတိုးတက်ရေးဦးစီးဌာနမှ သိရသည်။
တင်ထွန်း
https://t.me/MyanmarNationalPost
No comments:
Post a Comment