MNP - ဇန်နဝါရီ ၇
ရှမ်းပြည်နယ်(မြောက်ပိုင်း)၊ လားရှိုးခရိုင်၊ သိန္နီမြို့၌ ၂၀၂၂-၂၀၂၃ ပညာသင်နှစ် ပညာရေးစုံညီပွဲတော် ကို အမှတ်(၁) အခြေခံပညာအထက်တန်းကျောင်းရှိ ရွှေစင်ခန်းမ၌ ယနေ့ နံနက် ၉ နာရီအချိန်က စတင်၍ ကျင်းပခဲ့သည်။
ရှေးဦးစွာ ပညာရေးစုံညီပွဲတော်အခမ်းအနားအား အမှတ်(၁) အခြေခံပညာ အထက်တန်းကျောင်းရှေ့၌ မြို့နယ်စီမံအုပ်ချုပ်ရေးအဖွဲ့ဉက္ကဋ္ဌ၊ မြို့နယ်အုပ်ချုပ်ရေးမှူး ဦးနေလင်းထွန်း၊ မြန်မာနိုင်ငံရဲတပ်ဖွဲ့မှ ရဲမှူး နိုင်တင်အေးနှင့် မြို့နယ်ပညာရေးမှူး ဒေါ်သူဇာအေး တို့က ဖဲကြိုးဖြတ် ဖွင့်လှစ်ပေးခဲ့သည်။ ဆက်လက်၍ ပညာရေးစုံညီပွဲတော်အား ကျင်းပရာ အခမ်းအနားတွင် မြို့နယ်စီမံအုပ်ချုပ်ရေးအဖွဲ့ဉက္ကဋ္ဌ မြို့နယ်အုပ်ချုပ်ရေးမှူး ဦးနေလင်းထွန်းက အဖွင့်အမှာစကား ပြောကြားပြီး မြို့နယ်ပညာရေးမှူး ဒေါ်သူဇာအေးက ပညာရေးစုံညီပွဲတော် ကျင်းပရခြင်း၏ ရည်ရွယ်ချက်အား ရှင်းလင်းပြောကြားခဲ့သည်။ ထို့နောက် သိန္နီမြို့နယ်အတွင်းရှိ အခြေခံပညာကျောင်းများမှ ၂၀၂၁-၂၀၂၂ ပညာသင်နှစ် ကာယ၊ ဉာဏ ထူးချွန်ဆု ရရှိသူများအား တာဝန်ရှိသူများက ဆုများ အသီးသီးချီးမြှင့်ပေးအပ်ခဲ့ကြသည်။ အဆိုပါ ပညာရေးစုံညီပွဲတော်သို့ တက်ရောက်လာသော မြို့နယ်စီမံအုပ်ချုပ်ရေးအဖွဲ့ဉက္ကဋ္ဌနှင့် အဖွဲ့ဝင်များ၊ ဌာနဆိုင်ရာ တာဝန်ရှိသူများ၊ ဆရာ၊ ဆရာမများ၊ ကျောင်းသား၊ ကျောင်းသူများအား မြို့နယ်အတွင်းရှိ အခြေခံပညာကျောင်းများမှ ကျောင်းသား၊ ကျောင်းသူများက အက၊ သီချင်းများဖြင့် သီဆိုဖျော်ဖြေပေးခဲ့ရာ တာဝန်ရှိသူများက ဆုများ ချီးမြှင့်ပေးအပ်ခဲ့ကြောင်း သိရသည်။
https://t.me/MyanmarNationalPost
No comments:
Post a Comment