MNP - ဇန်နဝါရီ ၅
ပဲခူးတိုင်းဒေသကြီး သာယာဝတီခရိုင် ကြို့ပင်ကောက်မြို့ ကျွန်းနက်ကုန်းကျေးရွာအုပ်စု တောင်ချောင်းကျေးရွာ မီးလင်းရေးလုပ်ငန်း ဆောင်ရွက်ထားရှိမှုများအား ယမန်နေ့ နံနက်ပိုင်းက မြို့နယ်စီမံအုပ်ချုပ်ရေးအဖွဲ့ဥက္ကဌနှင့် တာဝန်ရှိသူများ ကွင်းဆင်းကြည့်ရှု့စစ်ဆေးခဲ့ကြောင်း သိရသည်။
ရှေးဦးစွာမြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးဇင်မင်းဌေးက ကျေးရွာမီးလင်းရေးကော်မတီဝင်များအား တွေ့ဆုံအမှာစကားပြောကြားရာတွင် ယခုရရှိသော လျှပ်စစ်မီးဖြင့် ကျေးရွာဖွံ့ဖြိုးတိုးတက်ရေးလုပ်ငန်းများအား ဦးစားပေးဆောင်ရွက်သွားကြစေလိုကြောင်း စနစ်တကျမီးသုံးစွဲသွားနိုင်ရေးနှင့် စာရင်းဇယားများ ပွင့်လင်းမြင်သာစွာ ရေးဆွဲမှတ်တမ်းတက်ထားကြစေလိုကြောင်း သို့မှသာ ကျေရွာသူ ကျေးရွာသားများ၏ အားကိုးရသော မီးလင်းရေးအဖွဲ့အစည်းဖြစ်မည်ဖြစ်ကြောင်း ပြောကြားပြီး မြို့နယ်လျှပ်စစ်အင်ဂျင်နီယာဦးတင့်ဇော်က လျှပ်စစ်မီးသုံးစွဲပုံသုံးစွဲနည်းများ လျှပ်စစ်အန္တရာယ်ကင်းဝေးစေရေး လိုက်နာရမည့် စည်းကမ်းချက်များကို ရှင်းလင်ပြောကြားခဲ့သည်။
တောင်ချောင်းကျေးရွာ မီးလင်းရေးလုပ်ငန်းသည် NEP စီမံကိန်းဖြင့် ၂၀၂၂ ခုနှစ် ဇွန်လ ၁ ရက်နေ့က စတင်အကောင်အထည်ဖော်ဆောင်ရွက်ခဲ့ရာ ဒီဇင်ဘာလ ၁ ရက်နေ့တွင် စတင်၍ အိမ်ခြေ ၄၉ မီးသုံးစွဲခွင့် ရရှိခဲ့ကြောင်း ကျေးရွာလူထုမှ မီးလင်းရေးအတွက် ငွေကျပ် ၁၀၈ သိန်းထည့်ဝင် အသုံးပြုခဲ့ကြောင်း သိရသည်။
ဇေယျာထွန်း
https://t.me/MyanmarNationalPost
No comments:
Post a Comment