MNP - ဇန်နဝါရီ ၂၀
ရန်ကုန်တိုင်းဒေသကြီး၊ သင်္ဃန်းကျွန်းခရိုင်၊ ရန်ကင်းမြို့နယ်ရှိ အခြေခံပညာကျောင်းများတွင် Grade-5နှင့် Grade-9 စာမေးပွဲဖြေဆိုရာတွင် သက်ဆိုင်ရာဘာသာရပ်အလိုက် သင်ကြားပေးနေသော ကျောင်းအုပ်ကြီးများ၊ ဆရာ/ မများအနေဖြင့် ဖြေဆိုမည့်မေးခွန်းပုံစံများကို သိရှိနားလည်ဆောင်ရွက်နိုင်စေရန် ရည်ရွယ်၍ ဆွေးနွေးပွဲကို ယနေ့နံနက် ၉ နာရီက အမှတ်(၂)အခြေခံပညာအထက်တန်းကျောင်းတွင် ကျင်းပပြုလုပ်ခဲ့ကြောင်း သိရသည်။
အဆိုပါ ဆွေးနွေးပွဲတွင် ရန်ကင်းမြို့နယ် ပညာရေးမှူး ဒေါ်ဝင်းရည်မွန်က ရန်ကင်းမြို့နယ်ရှိ အခြေခံပညာကျောင်းများတွင် အောင်ချက်မြင့်မားစေရေးနှင့် ဖြေဆိုရာတွင် အဆင်ပြေမှုရှိစေရေး ရှင်းလင်းဆွေးနွေးရာ တက်ရောက်လာကြသော ကျောင်းအုပ်ကြီးနှင့် ဆရာ/ မများမှ သိရှိလိုသည်များ မေးမြန်းဆွေးနွေးကြရာ မြို့နယ်ပညာရေးမှူးမှ ပြန်လည်ရှင်းလင်းဖြေကြားပေးခဲ့ပြီး လိုအပ်သည်များ ဖြည့်ဆည်းဆောင်ရွက်ပေးမည် ဖြစ်ကြောင်း ပြောကြားခဲ့သည်။
ထို့နောက် အခမ်းအနားသို့ အခြေခံပညာကျောင်းများမှ ကျောင်းအုပ်ကြီးများနှင့် ဆရာ၊ ဆရာမ (၆၂)ဦး တက်ရောက်ကာ Grade-5နှင့် Grade-9 စာမေးပွဲအတွက် အပြန်အလှန်ဆွေးနွေးခဲ့ကြကြောင်း သတင်းရရှိသည်။
အိရွှေစင်
https://t.me/MyanmarNationalPost
No comments:
Post a Comment