MNP - ဇန်နဝါရီ ၂
ရခိုင်ပြည်နယ် ၊ သံတွဲခရိုင် ၊ ဂွမြို့နယ်တွင် ၂၀၂၃ ခုနှစ်၊ဇန်နဝါရီလ(၄)ရက်နေ့ကျရောက် မည့် (၇၅)နှစ်မြောက် စိန်ရတုလွတ်လပ်ရေးနေ့အထိမ်းအမှတ်အဖြစ် ပြန်ကြားရေးနှင့်ပြည်သူ့ဆက်ဆံရေး ဦးစီးဌာန ရုံးချုပ်ကထုတ်ဝေသည့် သတင်းစကားလက်ကမ်း စာစောင်များကို ယနေ့၊ နေ့လယ်ပိုင်းတွင် ပြန်ကြားရေးနှင့် ပြည်သူ့ဆက်ဆံရေး ဦးစီးဌာနမှ မြို့နယ်ဦးစီးမှူးနှင့်ဝန်ထမ်းများက အထက(ဂွမြို့)ရှိ ကျောင်းသား/ကျောင်းသူများ ၊ ပြည်သူ့စာကြည့်တိုက်သို့ စာငှား၊စာဖတ်ရန် ရောက်ရှိလာသည့် ကျောင်းသား/ကျောင်းသူများအား အခမဲ့ ဖြန့်ဝေပေးလျက်ရှိသည်။
အဆိုပါလက်ကမ်းစာစောင်တွင် ၁၉၄၇ ခုနှစ် ၊ဇူလိုင်လ ၁၃ ရက်နေ့ မြို့တော်ခန်းမ၌ ကျင်းပပြု လုပ်သော ပြည်သူ့အစည်းအဝေးကြီးတွင် ပြောကြားခဲ့သည့် ဗိုလ်ချုပ်အောင်ဆန်း၏ မိန့်ခွန်းကောက်နုတ်ချက် ၊ နိုင်ငံတော်စီမံ အုပ်ချုပ်ရေးကောင်စီဥက္ကဋ္ဌ ၊ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် (၄.၁.၂၀၂၂) ရက်နေ့ (၇၄)နှစ် မြောက် လွတ်လပ်ရေးနေ့အခမ်းအနားသို့ ပေးပို့သည့် သဝဏ်လွှာမှ ကောက်နုတ်ချက်၊ (၇၅)နှစ်မြောက် စိန်ရတု လွတ်လပ်ရေးနေ့ အမျိုးသားရေးဦးတည်ချက်များ၊စည်းလုံးညီညွတ်မှုကိုတည်ဆောက်၊ စည်းလုံးညီညွတ်စွာ ဆက်လက်ထိန်းသိမ်းစောင့်ရှောက် စသည့် လွတ်လပ်ရေး၏ အနှစ်သာရ စာပေအနှစ်ချုပ်၊ မြင်းမူမောင်နိုင်မိုးရေးသားသည့် လွတ်လပ်ရေးပန်းမို့ မနွမ်း စေချင် ကဗျာ ၊ ကာတွန်း ၊ ဆောင်ပုဒ်များစသည့်တို့ပါဝင်သည့် လက်ကမ်းစာစောင်များကို ကျောင်းသား/ ကျောင်းသူများမား အခမဲ့ ဖြန့်ဝေ ပေးခဲ့ကြသည်။
ရွှေရည်ဝင်းကျော်
https://t.me/MyanmarNationalPost
No comments:
Post a Comment