MNP - ဇန်နဝါရီ ၂
ရခိုင်ပြည်နယ် မာန်အောင်မြို့၌၂၀၂၃ခုနှစ်၊ဇန်နဝါရီလ(၄)ရက်နေ့တွင် ကျရောက်မည့်(၇၅)နှစ်မြောက်စိန်ရတုလွတ်လပ်ရေးနေ့အထိမ်းအမှတ် အားကစားပြိုင်ပွဲ ဖွင့်ပွဲ အခမ်းအနားကို ယနေ့ညနေ၃နာရီက မာန်အောင်မြို့ မိုးလုံ လေလုံ အားကစားခန်းမ၌ကျင်းပခဲ့သည်။
အခမ်းအနားတွင် မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးမင်းဇော်ဟိန်းက(၇၅)နှစ်မြောက် စိန်ရတုလွတ်ရေးနေ့ အထိမ်းအမှတ်အဖြစ်အားကစားပြိုင်ပွဲများကို ကျင်းပရခြင်းဖြစ်ကြောင်း အားကစားသမားများအနေဖြင့် တစ်ဦးနှင့်တစ်ဦးရင်းနှီး
မှုရှိပြီး မြန်မာ့အားကစား အဆင့်အတန်းမြင့်မားလာစေရန် ရည်ရွယ်၍ ကျင်းပခြင်းဖြစ်ကြောင်း ပြောကြားပြီး ပိုက်ကျော်ခြင်းပြိုင်ပွဲကို စတင်ကျင်းပခဲ့ပြီး ပြိုင်ပွဲတွင် အသင်း(၉)သင်းဝင်ရောက်ဝင်ယှဥ်ပြိုင်ကြမည်ဖြစ်ကြောင်းသိရသည်။
အဆိုပါ (၇၅)နှစ်မြောက် စိန်ရတု လွတ်လပ်ရေးနေ့အထိမ်းအမှတ်အားကစားပြိုင်ပွဲတွင် ပိုက်ကျော်ခြင်းပြိုင်ပွဲ၊ ကျား/မ မီတာ(၁၀၀)အပြေးပြိုင်ပွဲ၊ချောတိုင်တက်ပြိုင်ပွဲ၊ခေါင်းအုံးရိုက်ပြိုင်ပွဲ၊ခြေပူးအပြေးပြိုင်ပွဲ၊ကွမ်းသီးကောက်ပြိုင်ပွဲ၊အပ်ချည်ထိုး
ပြိုင်ပွဲ၊မုန့်စားပြိုင်ပွဲ၊သံပုံးရိုက်ပြိုင်ပွဲ စသည့် ပြိုင်ပွဲ(၉)မျိုးပါဝင်မည်ဖြစ်ပြီးပြိုင်ပွဲများကို(၂-၁-၂၀၂၃)ရက်နေ့မှ(၄-၁-၂၀၂၃)ရက်နေ့ထိ စည်ကားသိုက်မြိုက်စွာ ကျင်းပပြုလုပ်သွားမည်ဖြစ်ကြောင်းသိရသည်။
ဦးသိန်းဖေ
https://t.me/MyanmarNationalPost
No comments:
Post a Comment