MNP - ဇန်နဝါရီ ၂၇
ရန်ကုန်တိုင်းဒေသကြီး၊ အလုံခရိုင်၊ စမ်းချောင်းမြို့နယ်တွင် စုပေါင်းသန့်ရှင်းရေးနှင့် ဝတ်ရွတ်ပူဇော်ခြင်းကို ယမန်နေ့နံနက်(၆)နာရီခွဲအချိန်က သီရိခေမာရပ်ကွက် ဗားကရာလမ်း ကိုးထပ်ကြီးဘုရားဝင်းတွင် ဌာနဆိုင်ရာဝန်ထမ်းများဖြင့် ဆောင်ရွက်ခဲ့ကြကြောင်း သိရသည်။
ထိုသို့ဆောင်ရွက်ရာသို့ အလုံခရိုင်၊ ခရိုင်အုပ်ချုပ်ရေးမှူး ဦးဆောင်၍ ခရိုင်အုပ်ချုပ်ရေးမှူးနှင့် ဝန်ထမ်းများ၊ မြို့နယ်အထွေထွေအုပ်ချုပ်ရေးဦးစီးဌာန မြို့နယ်အုပ်ချုပ်ရေးမှူးနှင့် ဝန်ထမ်းများ၊ မြို့နယ်စီမံအုပ်ချုပ်ရေးအဖွဲ့ဝင်များ၊ မြို့နယ်ရဲတပ်ဖွဲ့၊ မြို့နယ်စည်ပင်သာယာ အုပ်ချုပ်ရေးမှူးရုံးမှဝန်ထမ်းများ၊ မြို့နယ်အဆင့်ဌာနဆိုင်ရာဝန်ထမ်းများ၊ အလုံမြို့နယ် စည်ပင်သာယာအုပ်ချုပ်ရေးမှူးရုံးမှဝန်ထမ်းများ၊ ကြည့်မြင်တိုင်မြို့နယ် စည်ပင်သာယာ အုပ်ချုပ်ရေးမှူးရုံးမှဝန်ထမ်းများ၊ စုစုပေါင်းအင်အား(၁၅၅)ဦးဖြင့် ဘုရားကြီးနှင့် ဘုရားရင်ပြင် အတွင်း/အပြင် အမှိုက်များရှင်းလင်းခြင်း၊ သွေးလွန်တုပ်ကွေး ကြိုတင်ကာကွယ်ရေးအတွက် သောက်သုံးရေကန်များ အဘိတ်ဆေးခတ်ခြင်းလုပ်ငန်းများကို စုပေါင်းဆောင်ရွက်ခဲ့ကြသည်။ ဆက်လက်၍ ဝန်ထမ်းများမှ ဘုရားဝတ်ရွတ်ပူဇော်ခြင်းကိုလည်း ဆောင်ရွက်ခဲ့ကြကြောင်း သိရသည်။
နီလာစိုး
https://t.me/MyanmarNationalPost
No comments:
Post a Comment