MNP - ဇန်နဝါရီ ၇
မန္တလေးခရိုင်၊ မဟာအောင်မြေမြို့နယ်တွင် ယမန်နေ့က အမှတ်(၈) အခြေခံပညာ အထက်တန်းကျောင်းခွဲ၌ ပညာရေးစုံညီပွဲတော်နှင့် ပညာရည်ချွန်ဆုပေးပွဲ အခမ်းအနား ကျင်းပပြုလုပ်ခဲ့သည်။
အဆိုပါ အခမ်းအနားအား နိုင်ငံတော်သီချင်းဖြင့် ဖွင့်လှစ်ခဲ့ပြီး ဒု-မြို့နယ်ပညာရေးမှူး ဦးလွမ်းဇေမှ ပညာရေးစုံညီပွဲတော်နှင့် ပညာရည်ချွန်ဆုပေးပွဲအခမ်းအနား ကျင်းပပြုလုပ်ရခြင်းနှင့်ပတ်သက်၍ အဖွင့်အမှာစကား ပြောကြားခဲ့သည်။
ဆက်လက်ပြီး တိုင်းအဆင့်၊ မြို့နယ်အဆင့် ဉာဏဆု အင်္ဂလိပ်စာစွမ်းရည်ပြိုင်ပွဲနှင့် သင်္ချာစွမ်းရည်ပြိုင်ပွဲတွင် ဆုရရှိခဲ့သော ကျောင်းသား၊ ကျောင်းသူများ၊ မြို့နယ်အဆင့် ကဗျာရွတ်ပြိုင်ပွဲ၊ စာစီစာကုံးပြိုင်ပွဲ၊ ပန်းချီပြိုင်ပွဲများတွင် ဆုရရှိခဲ့သော ကျောင်းသား၊ ကျောင်းသူများနှင့် (၇၅)နှစ်မြောက် စိန်ရတုလွတ်လပ်ရေးနေ့အကြို အားကစားပြိုင်ပွဲနှင့် မြန်မာ့ရိုးရာအားကစားပြိုင်ပွဲများတွင် ဆုရ ကျောင်းသား၊ ကျောင်းသူများအား တာဝန်ရှိသူများက ဆုများအသီးသီး ချီးမြှင့်ပေးအပ်ခဲ့ပြီး ကျောင်းသား၊ ကျောင်းသူများကလည်း တေးသရုပ်ဖော် အကအလှများဖြင့် ဖျော်ဖြေတင်ဆက်ခဲ့ကြသည်။
အဆိုပါ ပညာရေးစုံညီပွဲတော်သို့ ဒု-မြို့နယ်ပညာရေးမှူး ဦးလွမ်းဇေ၊ အမှတ်(၈) အ.ထ.က (ခွဲ) ကျောင်းအုပ်ဆရာမကြီး ဒေါ်မေသူသူမောင်နှင့် ဆရာ၊ ဆရာမများ၊ ကျောင်းသား၊ ကျောင်းသူများနှင့် မိဘအုပ်ထိန်းသူများ တက်ရောက်ခဲ့ကြကြောင်း သိရသည်။
အောင်ဇော်မင်း
https://t.me/MyanmarNationalPost
No comments:
Post a Comment