MNP - ဇန်နဝါရီ ၄
ရခိုင်ပြည်နယ်၊ သံတွဲခရိုင်၊ ကျိန္တလီမြို့၌ ၂၀၂၃ခုနှစ်၊ ဇန်နဝါရီလ ၄ ရက်နေ့တွင် ကျရောက်သည့် (၇၅)နှစ်မြောက်စိန်ရတု လွတ်လပ်ရေးနေ့အထိမ်းအမှတ် ပျော်ပွဲ၊ ရွှင်ပွဲများနှင့် အားကစားပြိုင်ပွဲများကို ယနေ့နံနက်ပိုင်းက အ.ထ.က ကျောင်းနှင့်ကျောင်းရှေ့ဘော်လုံးကွင်းတွင် ကျင်းပလျက်ရှိသည်။
ထိုသို့ အားကစားပြိုင်ပွဲများကိုကျင်းပလျက်ရှိရာ ကျိန္တလီမြို့ အခြေခံပညာကျောင်းများမှ အထက်တန်း၊ အလယ်တန်းနှင့်မူလတန်းအဆင့်ရှိ ကျောင်းသား/ကျောင်းသူများနှင့်အားကစားဝါသနာရှင် လူငယ်မောင်မယ်များက ပျော်ရွှင်စွာ ဝင်ရောက်ယှဉ်ပြိုင်လျက်ရှိသည်။ ပြိုင်ပွဲတွင် မီတာ(၁၀၀) ကျား/မ တာတိုပြေးပွဲ၊ မာရသွန်(၈-ကီလိုမီတာ)ခန့်တာဝေးအပြေးပြိုင်ပွဲ၊ ထုတ်ဆီးထိုးပြိုင်ပွဲ၊ လွန်ဆွဲပွဲ၊ ဖားခုန်ပြိုင်ပွဲနှင့်ဂုဏ်နီအိတ်စွပ် ပြိုင်ပွဲများကို စည်ကားသိုက်မြိုက်စွာ ကျင်းပလျက်ရှိ ကြောင်းသိရသည်။
အဆိုပါပြိုင်ပွဲ များတွင် တစ်ဦးချင်း ဆုရရှိကြသည့်ကျောင်းသား/ကျောင်းသူများ၊ အဖွဲ့လိုက် ဆုရရှိကြသည့်ကျောင်းသား/ကျောင်းသူများနှင့် ဆုရရှိသည့်အသင်းအဖွဲ့များအား အ.ထ.က. ကျောင်းရှေ့ဘော်လုံးကွင်းတွင် ဆုများအသီးသီးပေးအပ်သွားမည်ဖြစ်ကြောင်း အားကစား ဖြစ်မြောက်ရေး ကော်မတီထံမှသိရသည်။
https://t.me/MyanmarNationalPost
No comments:
Post a Comment