MNP - ဇန်နဝါရီ ၂
ရှမ်းပြည်နယ်(မြောက်ပိုင်း)၊ လားရှိုးမြို့တွင် (၇၅)နှစ်မြောက် လွတ်လပ်ရေးနေ့အထိမ်းအမှတ် မီနီမာရသွန်အပြေးပြိုင်ပွဲနှင့် စက်ဘီးစီးပြိုင်ပွဲကို (၃-၁-၂၀၂၂)ရက်နေ့တွင် ကျင်းပသွားမည်ဖြစ်ပြီး ပါဝင်ယှဉ်ပြိုင်လိုသူများအနေဖြင့် ခရိုင်/မြို့နယ် အားကစားနှင့် ကာယပညာဦးစီးဌာနတွင် (၂-၁-၂၀၂၃)ရက်နေ့ နောက်ဆုံးထား၍ စာရင်းပေးသွင်းနိုင်ကြောင်း သိရသည်။
စက်ဘီးစီးပြိုင်ပွဲကို (၃-၁-၂၀၂၂)ရက်နေ့ နံနက်(၆:၃၀)နာရီအချိန်တွင်လည်းကောင်း၊ မီနီမာရသွန် အပြေးပြိုင်ပွဲကို (၃-၁-၂၀၂၂)ရက်နေ့ နံနက်(၇)နာရီအချိန်တွင်လည်းကောင်း၊ လားရှိုးမြို့ မြို့တော်ခန်းမရှေ့မှ တာလွှတ်မည်ဖြစ်ပြီး ပြည်ထောင်စုအားကစားကွင်း တောင်ဘက်ဝင်ပေါက်တွင် ပန်းဝင်မည်ဖြစ်သည်။
ထို့အပြင် (၄-၁-၂၀၂၃)ရက်နေ့တွင် လားရှိုးမြို့၊ ပြည်ထောင်စုအားကစားကွင်း၌ (၇၅)နှစ်မြောက် လွတ်လပ်ရေးနေ့အထိမ်းအမှတ် ပျော်ပွဲရွှင်ပွဲများ၊ မြန်မာ့ရိုးရာအားကစားနည်းများဖြင့် ကျင်းပဆောင်ရွက်သွားမည်ဖြစ်ပြီး မည်သူမဆို ဝင်ရောက်ဆင်နွှဲနိုင်ရန် စီစဉ်ထားကြောင်း သိရသည်။
စိုင်းအောင်ကျော်စိုး
https://t.me/MyanmarNationalPost
No comments:
Post a Comment