MNP - ဇန်နဝါရီ ၂၆
ပဲခူးတိုင်းဒေသကြီး၊ တောင်ငူခရိုင်၊ အုတ်တွင်းမြို့နယ်၌ ဓာတ်အားခကြွေးကျန်များ ရာနှုန်းပြည့်ကောက်ခံရရှိရေး တိုင်းဒေသကြီးလျှပ်စစ်အင်ဂျင်နီယာနှင့် ဓာတ်အားခကြွေးကျန်အများဆုံးပြည်သူ(၁၀၀)ဦးတို့ တွေ့ဆုံညှိနှိုင်းခြင်းကို ယနေ့နံနက်ပိုင်းက မြို့နယ်အထွေထွေအုပ်ချုပ်ရေးဦးစီးဌာန သီရိရတနာခန်းမ၌ ပြုလုပ်ခဲ့ကြောင်း သိရသည်။
ဦးစွာ ပဲခူးတိုင်းဒေသကြီးလျှပ်စစ်အင်ဂျင်နီယာဦးရဲဝဏ္ဏက အဖွင့်အမှာစကားပြောကြားပြီး မြို့နယ်စီမံအုပ်ချုပ်ရေးအဖွဲ့ဥက္ကဋ္ဌဦးညီညီက ဓာတ်အားခကြွေးကျန်များနှင့်ပတ်သက်၍ ရာနှုန်းပြည့်ပြန်လည်ပေးသွင်းနိုင်စေရေး ပြောကြားသည်။
အဆိုပါ တွေ့ဆုံပွဲအခမ်းအနားသို့ ပဲခူးတိုင်းဒေသကြီးလျှပ်စစ်အင်ဂျင်နီယာ ဦးရဲဝဏ္ဏနှင့်အဖွဲ့ဝင်များ၊ ခရိုင်လျှပ်စစ်အင်ဂျင်နီယာဦးသက်နိုင်ဝင်း၊ မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌနှင့်အဖွဲ့ဝင်များ၊ မြို့နယ်လျှပ်စစ်အင်ဂျင်နီယာ၊ သက်ဆိုင်ရာတာဝန်ရှိသူများ၊ အုတ်တွင်းမြို့ပေါ်နှင့် မြို့နယ်အတွင်းရှိ ခပေါင်း-ကျောင်းရှစ်ဆယ်ကျေးရွာအုပ်စုမှ ဓာတ်အားခကြွေးကျန်အများဆုံးပြည်သူ(၁၀၀)ဦးတို့ တက်ရောက်ဆွေးနွေးခဲ့ပြီး ဓာတ်အားခကြွေးကျန်များအား လာမည့်ဖေဖော်ဝါရီ ၂၄ ရက်အတွင်း ရာနှုန်းပြည့်ကောက်ခံရရှိရေး ပေါင်းစပ်ညှိနှိုင်းဆောင်ရွက်သွားမည်ဖြစ်ကြောင်း သိရသည်။
အေမင်းရည်စော
https://t.me/MyanmarNationalPost
No comments:
Post a Comment