MNP - ဇန်နဝါရီ ၁၈
ရန်ကုန်တိုင်းဒေသကြီး၊ သန်လျင်ခရိုင်၊ ခရမ်းမြို့နယ်တွင် အသက် (၅) နှစ်မှ (၁၂) နှစ် ကျောင်းသား/ ကျောင်းသူများအား ကိုဗစ်-၁၉ရောဂါ ကြိုတင်ကာကွယ်ရေး ထပ်ဆောင်းကာကွယ်ဆေး ဆက်လက်ထိုးနှံပေးလျက်ရှိရာ ယနေ့နံနက်၉နာရီတွင် အခြေခံပညာမူလတန်း လွန်ကျောင်း အ မ က ( စက်သစ် ) ကျောင်း၌ ထိုးနှံပေးလျက်ရှိကြောင်း သိရသည်။
အဆိုပါ ကာကွယ်ဆေးထိုးနှံမှုကို မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ၏စီမံမှုဖြင့် မြို့နယ်ကျန်းမာရေးဦးစီးဌာနမှ ဝန်ထမ်းများက အ.မ.က (မူလွန်)စက်သစ် ကျောင်းအတွင်းရှိ အသက်(၅)နှစ်မှ (၁၂)နှစ် ကျောင်းသား/ ကျောင်းသူများအား ကိုဗစ်-၁၉ရောဂါ ကြိုတင်ကာကွယ်ရေး တတိယအကြိမ် ထပ်ဆောင်းကာကွယ်ဆေး (MYANCOPHARM)ကို ကျောင်းသား၊ကျောင်းသူ(၂၃၀) ဦးတို့အား ထိုးနှံပေးခဲ့ကြောင်းသိရှိရပြီး ကိုဗစ်-၁၉ မျိုးရိုးဗီဇပြောင်း အိုမီခရွန်ရောဂါကူးစက်မှုမှ ကာကွယ်ထိန်းချုပ်နိုင်ရန်အတွက် ကာကွယ်ဆေးအား အကြိမ်ပြည့်ထိုးနှံကြရန် လိုအပ်ကြောင်း မြို့နယ်ကိုဗစ်-၁၉ရောဂါ ထိန်းချုပ်ရေးနှင့် အရေးပေါ်တုံ့ပြန်ရေးကော်မတီထံမှ သိရှိရသည်။
ကိုမင်း
https://t.me/MyanmarNationalPost
No comments:
Post a Comment