MNP - ဇန်နဝါရီ ၁၉
ကျောင်းသား၊ ကျောင်းသူလေးများ ငယ်ရွယ်စဉ်အချိန်ကပင် မူးယစ်ဆေး၏ဆိုးကျိုးများကို သိရှိနားလည်နိုင်စေရန်ရည်ရွယ်၍ ရန်ကုန်တိုင်းဒေသကြီး၊ မရမ်းကုန်းမြို့နယ် အမှတ်(၁၇)အခြေခံပညာမူလတန်းကျောင်း၌ ယမန်နေ့နံနက် ၁၀:၀၀ နာရီက မူးယစ်ဆေးဝါးအန္တရာယ်တားဆီးကာကွယ်ရေး အသိပညာပေးဟောပြောပွဲနှင့် နံရံကပ်စာစောင်ပြပွဲကျင်းပပြုလုပ်ခဲ့သည်။
အဆိုပါဟောပြောပွဲတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မြို့နယ်ဦးစီးမှူးဒေါ်အေးအေးအောင်က ဆေးလိပ်၊ ဆေးရွက်ကြီး၊ ဘိန်းဖြူ၊ စိတ်ကြွဆေးအစရှိသည့် မူးယစ်ထုံထိုင်းစေသည့် ဆေးများသုံးစွဲခြင်းကြောင့်ဖြစ်ပေါ်လာမည့် စိတ်ပိုင်းနှင့်ရုပ်ပိုင်ဆိုင်ရာဆိုးကျိုးများအကြောင်းကို ကျောင်းသား၊ ကျောင်းသူများနားလည်ပြီး လိုက်နာနိုင်ကြစေလိုကြောင်း ဟောပြောဆွေးနွေးခဲ့သည်။
ထို့နောက် ကျောင်းသား၊ ကျောင်းသူများအား မူးယစ်ဆေးဝါးအန္တရာယ်တားဆီးကာကွယ်ရေး အသိပညာပေးနံရံကပ်စာစောင်များပြသခဲ့ကြောင်း သိရသည်။
အေးအေးအောင်
https://t.me/MyanmarNationalPost
No comments:
Post a Comment