MNP - ဇန်နဝါရီ ၂၉
ရခိုင်ပြည်နယ် မောင်တောမြို့နယ်၌ မြို့နယ်အဆင့် ၂၀၂၂-၂၀၂၃ ပညာသင်နှစ်၊ ပညာရေးစုံညီပွဲတော် နှင့် ပညာရည်ချွန် ဆုပေးပွဲ အခမ်းအနားကို ယမန်နေ့ မွန်းလွှဲ ၁ နာရီအချိန် သီရိမင်္ဂလာခန်းမတွင် ကျင်းပ ပြု လုပ် သည်။
ရှေးဦးစွာ အမှတ်(၂)အခြေခံပညာအထက်တန်း ကျောင်းသား၊ကျောင်းသူလေးများက “စုံညီပွဲတော်” သီချင်း ဖြင့် သီဆို ဖျော်ဖြေဖွင့်လှစ်ခဲ့ကြပြီး ခရိုင်စီမံအုပ်ချုပ်ရေးအဖွဲ့ဥက္ကဋ္ဌ ၊ ခရိုင်အုပ်ချုပ်ရေးမှူး ဦးနေဦးက အဖွင့်အမှာစကားပြောကြားခဲ့သည်။ ဆက်လက်၍ မြို့နယ်ပညာရေးမှူး ဦးအောင်မြင့်သိန်းက ကျေးဇူး တင် ဝမ်းမြောက်စကားပြောကြားခဲ့သည်။ ထို့နောက် အမှတ်(၁) နှင့် အမှတ်(၂) အခြေခံပညာအထက်တန်းကျောင်း ၊ (၄)မိုင် အခြေခံပညာအထက်တန်းကျောင်း ၊အမှတ်(၁) နှင့် အမှတ်(၄) အခြေခံပညာအလယ်တန်းကျောင်း ၊ အ မှတ်(၂) နှင့် အမှတ်(၃) အခြေခံပညာ မူလတန်း (လွန်)ကျောင်းတို့မှ ကျောင်းသား ၊ကျောင်းသူလေးများက ရခိုင် ရိုးရာယဉ်အကအလှများ ၊ တေးသီချင်း အမျိုးမျိုးဖြင့် ကပြ ဖျော် ဖြေပေးခဲ့ကြသည်။
ထို့နောက် ၂၀၂၂-၂၀၂၃ ပညာသင်နှစ် ၊ မြို့နယ်အတွင်း ဉာဏ ၊ ကာယစွမ်းရည် ပညာရည်ချွန်ဆု ရရှိသူများ နှင့် အားကစား ထူးချွန်ဆုရရှိသော ထူးချွန်ကျောင်းသား၊ ကျောင်းသူများအား ခရိုင်စီမံအုပ်ချုပ်ရေး အဖွဲ့ဥက္ကဋ္ဌ နှင့် တာဝန်ရှိသူများက ဆုများအသီးသီးချီးမြှင့်ပေးကြပြီး (၄)မိုင်အခြေခံပညာအထက်တန်းကျောင်း သား၊ကျောင်းသူလေးများက “ရခိုင်တို့မြေလာခဲ့လေ”သီချင်းဖြင့် သီဆို ဖျော်ဖြေပေးခဲ့ကြသည်။ အဆိုပါ အခမ်း အနားသို့ ခရိုင်စီမံအုပ်ချုပ်ရေးအဖွဲ့ ဥက္ကဋ္ဌ ဦးနေဦး နှင့် အဖွဲ့ဝင်များ ၊ မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦး ကံထွန်းအောင် နှင့် အဖွဲ့ဝင်များ ၊ ခရိုင်/မြို့နယ်ပညာရေးမှူး ၊ခရိုင်/မြို့နယ်အဆင့် ဌာနဆိုင်ရာများ ၊ အငြိမ်းစား ဆရာကြီး ၊ဆရာမကြီးများ ၊ သက်ဆိုင်ရာကျောင်းအုပ်ကြီးများ ၊ဆရာ/ဆရာမများ ၊ကျောင်းသား၊ ကျောင်းသူ များ နှင့် ဖိတ်ကြားထားသည့် ဧည့်သည့်တော်များ တက်ရောက်ခဲ့ကြကြောင်းသိရသည်။
သက်လွင်စိုး၊အောင်ကျော်စိန်
https://t.me/MyanmarNationalPost
No comments:
Post a Comment