MNP - ဇန်နဝါရီ ၁၉
ဧရာဝတီတိုင်းဒေသကြီး၊ မြန်အောင်ခရိုင်၊ ကြံခင်းမြို့တွင် အောင်ချက်မြင့်မားရေးဟောပြောပွဲကို ယမန်နေ့နံနက်ပိုင်းက ကြံခင်းမြို့ (အ ထ က-၁)ကျောင်း အောင်ကျော်ခန်းမတွင် ကျင်းပပြုလုပ်သည်။
ရှေးဦးစွာ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးသိန်းတန်က ဂုဏ်ထူးရ ကျောင်းသား/သူများ ပေါ်ထွက်လာရေးနှင့် တိုင်းအဆင့်မှ နိုင်ငံတော်အဆင့်အထိ ဆုများရရှိအောင် ဆောင်ရွက်ကြရန် ပြောကြားပြီးနောက် မြို့နယ်ပညာရေးမှူး(ငြိမ်း) ဒေါ်စန်းစန်းဌေးက "စိတ်ဓာတ် မြှင့်တင်ရေး ဆိုင်ရာ စာပေ”နှင့် ပတ်သက်၍ ရှင်းလင်းဟောပြောသည်။
ထို့နောက် ဦးအေးမြင့်အောင်(မိုးမြေသစ္စာ)က “ကျောင်းသား/သူများနှင့် ဖိအားများ” ခေါင်းစဉ်ဖြင့် ရှင်းလင်းဟောပြောပြီးနောက် ဦးစိုးမြင့်(တက္ကသိုလ်စိုးစံ)က “အရှိန်” ခေါင်းစဉ်ဖြင့် ဟောပြောဆွေးနွေးသည်။ ယင်းနောက် ဦးအေးမြင့်အောင်(မိုးမြေသစ္စာ)က (အ ထ က-၁) စာကြည့်တိုက်အတွက် ကဗျာစာအုပ်များလှူဒါန်းရာ ကျောင်းအုပ်ဆရာမကြီး ဒေါ်အေးအေးမော်က လက်ခံရယူခဲ့ကြောင်းနှင့် ဟောပြောပွဲကို ဆရာ၊ ဆရာမများနှင့် ကျောင်းသား/သူ (၄၀၀)ဦး တက်ရောက်ကြောင်း သိရသည်။
https://t.me/MyanmarNationalPost
No comments:
Post a Comment