MNP - ဇန်နဝါရီ ၃
ရခိုင်ပြည်နယ် ၊ တောင်ကုတ်ခရိုင် ၊ တောင်ကုတ်မြို့တွင် (၇၅)နှစ်မြောက် စိန်ရတုလွတ်လပ်ရေးနေ့ အထိမ်းအမှတ်အဖြစ် အားကစားပြိုင်ပွဲများနှင့် အခြားပျော်ပွဲရွှင်ပွဲများကို ဇန်နဝါရီ(၂)ရက်နေ့မှစတင်၍ မြို့မအားကစားကွင်းအတွင်းကျင်းပလျက်ရှိရာ ယနေ့နံနက်ပိုင်းမှစ၍ ဒုတိယနေ့အဖြစ်ဆက်လက် ကျင်းပ လျက် ရှိကြောင်းသိရသည်။
အားကစားပြိုင်ပွဲများကို ဒုတိယနေ့အဖြစ်ကျင်းပရာတွင် မီနီမာရသွန်(အလွတ်တန်း)ပြိုင်ပွဲ ၌ အမျိုးသား(၆၆)ဦး၊အမျိုးသမီး(၁၄)ဦး စုစုပေါင်း(၈၀)ဦးတို့မှပါဝင်ယှဉ်ပြိုင်ခဲ့ကြပြီး ပြိုင်ပွဲတွင်ပထမဆု၊ ဒုတိယဆု၊ တတိယဆုရရှိကြသူများအနက် မှ နှစ်သိမ့်ဆုရရှိသူ(၁၃)ဦးကို မြို့နယ်စီမံအုပ်ချုပ်ရေးအဖွဲ့ ဥက္ကဌ ဦးဇာနည်တိုး နှင့်အဖွဲ့က ဂုဏ်ပြုဆုငွေများ ချီးမြှင့်ခဲ့သည်။
ထို့နောက်ကျောင်းပေါင်းစုံပိုက်ကျော်ခြင်းပြိုင်ပွဲ ၊ဂျပန်ဂိုးကျဉ်းပြိုင်ပွဲ ၊ ထုပ်ဆီးတိုးပြိုင်ပွဲ များနှင့် အခြားပြိုင်ပွဲများကို မြို့မအားကစားကွင်း အတွင်းဆက်လက် ကျင်းပ လျက်ရှိရာ ပြိုင်ပွဲဝင်အားကစား သမား များ၊ ဆရာ၊ ဆရာမများ၊ ကျောင်း သား ၊ကျောင်းသူများ၊ပွဲကြည့်ပရိတ်သတ်များဖြင့် အထူးစည်ကား လျက် ရှိသည်။
မီနီမာရသွန်ပြိုင်ပွဲတွင် ပထမဆု ၊ ဒုတိယဆု၊တတိယဆုရရှိကြသူများနှင့် အခြားပြိုင်ပွဲများတွင် ဆုရ ရှိကြမည့် ပြိုင်ပွဲဝင်အားကစားသမားများသို့ ဆုချီးမြှင့်ပွဲအခမ်းအနားကို ဇန်နဝါရီ(၄)ရက်နေ့ညနေ(၃)နာရီ အချိန် တွင် မြို့မအားကစားကွင်းအတွင်း အားကစားပြိုင်ပွဲများပိတ်ပွဲနှင့်အတူစည်ကားသိုက်မြိုက်စွာ ကျင်းပ သွားမည် ဖြစ်ကြောင်းပြိုင်ပွဲများကျင်းပရေးကော်မတီထံမှ သိရသည်။
https://t.me/MyanmarNationalPost
No comments:
Post a Comment