MNP - ဇန်နဝါရီ ၂၇
ရခိုင်ပြည်နယ်၊ ပုဏ္ဏားကျွန်းမြို့၌ အတွင်း အောင်ခြင်း၊ အပြင်အောင် အောင်ခြင်း
ရှစ်ပါး ဂါထာတော်နှင့်အန္တရာယ်ကင်းပရိတ်တရားတော်ရွတ်ဖတ်ပူဇော်ပွဲကို ယနေ့၊ နံနက် ၈ နာရီက ပုဏ္ဏားကျွန်းမြို့ မြို့မဧစေတီဘုရားဓမ္မာရုံအတွင်း ကျင်းပပြုလုပ်ရာ မြို့နယ်စီမံအုပ်ချုပ်ရေး အဖွဲ့ဥက္ကဋ္ဌ ဦးမောင်စံဝင်းနှင့်အဖွဲ့ဝင်များ၊ ဌာနဆိုင်ရာတာဝန်ရှိသူများ တက်ရောက်ခဲ့ကြ သည်။
ရှေးဦးစွာ အခမ်းအနားကို ကြွရောက်တော်မူကြသော ဆရာတော်သံဃာတော်များနှင့် ဧည့်ပရိတ်သတ်များက နမော တဿ သုံးကြိမ်ရွတ်ဆို ဘုရားကန်တော့ပြီး၊ ပုဏ္ဏားကျွန်းမြို့ ရွှေတောင်တန်းကျောင်းတိုက် ဆရာတော်ကြီး ဘဒ္ဒန္တဝရိန္ဒ ထံမှငါးပါးကို ခံယူဆောက်တည်ခဲ့
ကြသည်။
ဆက်လက်၍ ဆရာတော်သံဃာတော်များက အတွင်းအောင်၊အပြင်အောင်၊ အောင်ခြင်း ရှစ်ပါး ပါဠိတော်အား ရွတ်ဖတ်ပူဇော်ချီးမြှင့်တော်မူပြီး၊ဝတ်ရွတ်အသင်းမှ အပြင်အောင်ခြင်း ရှစ်ပါး (မြန်မာပြန်)ကို ရွတ်ဖတ်ပူဇော်ခဲ့ကြသည်။
ထိုနောက် ဆရာတော် သံဃာတော်များအား မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌနှင့် အဖွဲ့ဝင်များက နဝက္ကမဝတ္ထုများ ဆက်ကပ်လှူဒါန်းပေးခဲ့ကြောင်း သိရသည်။
နီထွန်းအောင်
https://t.me/MyanmarNationalPost
No comments:
Post a Comment