MNP - ဇန်နဝါရီ ၂၄
ရန်ကုန်တိုင်းဒေသကြီး၊ ဗိုလ်တထောင်ခရိုင်၊ ဗိုလ်တထောင်မြို့နယ် အ.မ.က(၆)ဗိုလ်တထောင်ကျောင်း၌ ယနေ့နံနက် ၀၉:၀၀ နာရီအချိန်က မူးယစ်ဆေးဝါး အသိပညာပေးနံရံကပ်စာစောင်ပြပွဲနှင့် စာအုပ်ပြပွဲကို ဆောင်ရွက်ခဲ့သည်။
ပြန်ကြားရေးနှင့်ပြည်သူ့ဆက်ဆံရေးဦးစီးဌာနအနေဖြင့် ကျောင်းသား/ကျောင်းသူများ အသိပညာဗဟုသုတများတိုးပွားစေရန် စဉ်ဆက်မပြတ်ဆောင်ရွက်ပေးလျက်ရှိပြီး မူးယစ်ဆေးဝါး၏ဆိုးကျိုးအန္တရာယ်များအကြောင်းကို သိရှိစေရန်၊ ကွမ်း၊ ဆေးလိပ်၊ အရက်မှစ၍ အခြားသောမူးယစ်ဆေးဝါးများကို စမ်းသပ်သုံးစွဲခြင်းမပြုလုပ်စေရန်၊ ကျောင်းသား/ကျောင်းသူများအနေဖြင့် ကျောင်းစာအပြင် ပြင်ပဗဟုသုတများရရှိအောင် စာအုပ်စာစောင်များဖတ်ရှုစေရန်ရည်ရွယ်၍ အသိပညာပေးနံရံကပ်စာစောင်ပြပွဲနှင့်စာအုပ်ပြပွဲကို ပြုလုပ်ပေးခဲ့ခြင်းဖြစ်ကြောင်း သိရသည်။
ထို့နောက် ခင်းကျင်းပြသထားသော အသိပညာပေးနံရံကပ် စာစောင်များ၊ စာအုပ်များအား ကျောင်းသား/သူများက စိတ်ပါဝင်စားစွာ ကြည့်ရှုလေ့လာခဲ့ကြောင်းသိရသည်။
မေနှင်း
https://t.me/MyanmarNationalPost
No comments:
Post a Comment