မိုင်းကိုင်မြို့နယ်၌ လယ်ယာသုံး လက်တွန်းထွန်စက်များကို အရစ်ကျငွေချေစနစ်ဖြင့် ရောင်းချပေး

MNP  -   ဇန်နဝါရီ ၂၃

ရှမ်းပြည်နယ်တောင်ပိုင်း၊ လွိုင်လင်ခရိုင်၊ မိုင်းကိုင်မြို့နယ်၊ သမဝါယမဦးစီးဌာနနှင့် မြို့နယ်သ မအသင်းစုတို့၏ ကြီးကြပ်မှုဖြင့် ရွှေလွိုင်လိုင်စိုက်ထွေသမအသင်းမှ လယ်ယာစိုက်တောင်သူများအတွက် လက်မှုလယ်ယာမှ စက်မှုလယ်ယာသို့ တိုးတက်ပြောင်းလဲရာတွင် အသုံးပြုသည့် လယ်ယာသုံးစက်ပစ္စည်းကိရိယာများကို အရစ်ကျငွေချေစနစ်ဖြင့် ရောင်းချပေးလျက်ရှိရာ ယနေ့မနက်ပိုင်းတွင် မြို့နယ်သမဝါယမဦးစီးဌာန၌ လက်တွန်းထွန်စက်များကို တောင်သူများထံ ရောင်းချပေးအပ်ခဲ့ကြောင်း သိရသည်။

အဆိုပါရောင်းချမှုတွင်  " your good brother ကုမ္ပဏီ" မှ ထုတ်လုပ်သော လယ်ယာသုံး လက်တွန်းထွန်စက်နှင့် အပိုပစ္စည်းများကို တစ်စီးလျှင် ငွေကျပ်သိန်းလေးဆယ်ဖြင့် ၂ နှစ် ၅ ရစ်ဆပ်စနစ်ဖြင့် ရောင်းချပေးရာ မြို့နယ်သမဝါယမဦးစီးဌာနမှ ဦးစီးအရာရှိ ဒေါ်နန်းသိန်းရွှေ၊ မြို့နယ်သမအသင်းစုဥက္ကဋ္ဌ ဦးကျော်ဦး၊ ရွှေလွိုင်လိုင်စိုက်ထွေသမအသင်းဥက္ကဋ္ဌ ဦးနန္တီတို့က စက်ပစ္စည်းနှင့် စာရွက်စာတမ်းများကို တောင်သူလက်ဝယ်အရောက် ပေးအပ် ရောင်းချခဲ့သည်။

ထိုသို့ လယ်ယာသုံး စက်ပစ္စည်းကိရိယာများကို အရစ်ကျငွေချေစနစ်ဖြင့် ထပ်မံဝယ်ယူလိုသော တောင်သူများအား မိုင်းကိုင်မြို့နယ်ရှိ ရွှေလွိုင်လိုင်စိုက်ထွေသမအသင်းနှင့် ရွက်သစ်လယ်ထွေသမအသင်းများက အသင်းသားများအဖြစ် လက်ခံပြီး ချိတ်ဆက် ရောင်းချပေးလျက်ရှိကြောင်း သိရသည်။

ချော

 https://t.me/MyanmarNationalPost