MNP - ဇန်နဝါရီ ၁၃
မွန်ပြည်နယ်၊ ကျိုက်မရောမြို့နယ်၍ ပညာသင်ကြားနေကြသော အခြေခံပညာကျောင်းများမှ အသက် ၅ နှစ် မှ ၁၂ နှစ်အထိ ကျောင်းသား၊ ကျောင်းသူ (၅၂၄)ဦးတို့အား ကိုဗစ် -၁၉ ရောဂါကာကွယ်ဆေး(Booster Dose)ထိုးနှံပေးခြင်းကို ယနေ့နံနက် ၉ နာရီမှစတင်ကာ အ.ထ.က ကျိုက်မရောကျောင်းရှိ ပညာအားမာန်ခန်းမ၌ ကျန်းမာရေးဦးစီးဌာန ဝန်ထမ်းများက ထိုးနှံပေးလျက်ရှိသည်။
ထိုသို့ကာကွယ်ဆေးများ ထိုးနှံပေးရာတွင် ကျန်းမာရေးဝန်ထမ်းများက စာရင်းရေးသွင်းခြင်း၊ ကိုယ်အပူချိန်တိုင်းတာခြင်း၊ သွေးပေါင်ချိန်တိုင်းခြင်းစသည်တို့ကို စနစ်တကျဆောင်ရွက်ပေးနေမှုများအား မြို့နယ်ကိုဗစ်-၁၉ ကာကွယ်ထိန်းချုပ်ရေးနှင့် အရေးပေါ်တုံ့ပြန်ရေးကော်မတီဥက္ကဋ္ဌဦးကျော်စိုးဦးနှင့်အဖွဲ့ဝင်များက လာရောက်ကြည့်ရှုအားပေးပြီး လိုအပ်သည်များကို ညှိနှိုင်းပေါင်းစပ်ဆောင်ရွက်ပေးခဲ့သည်။
အဆိုပါကာကွယ်ဆေးထိုးနှံခြင်းတွင် အခြေခံပညာမူလတန်းလွန်ကျောင်းများ၊ အမှတ်၂၀၈ တပ်ရင်းမူလတန်းကျောင်းမှ အသက် ၅ နှစ်ပြည့်ပြီး တတိယအကြိမ်ထိုးနှံရန် ကျန်ရှိနေသူများ စုစုပေါင်းကျောင်းသား၊ ကျောင်းသူ(၅၂၄)ဦးတို့အား ထပ်ဆောင်းကာကွယ်ဆေးထိုးနှံပေးခြင်းဖြစ်ကြောင်း သိရသည်။
ချိုမြတ်မြတ်ထွေး
https://t.me/MyanmarNationalPost
No comments:
Post a Comment