MNP - ဇန်နဝါရီ ၁၈
မွန်ပြည်နယ်၊ပေါင်မြို့နယ် အထက ထန်ပင်ချောင်ကြီး၌ ကျောင်းသား/သူများအားဂိမ်းအကြောင်းအသိပညာပေးဟောပြောပွဲပြုလုပ်ခြင်းကိုယနေ့နံနက်ပိုင်းကအဆိုပါကျောင်း၌ဟောပြောခဲ့ကြောင်းသိရသည်။
အခမ်းအနားတွင် အထက ထန်ပင်ချောင်ကျောင်း ကျောင်းအုပ်ကြီးဦးကြည်စိုး က ဂိမ်းဆော့ခြင်းဖြင့် မိမိပညာရေးထိခိုက် နိုင်ကြောင်း ကျောင်းနေချိန်တွင် ဂိမ်းဆော့ကစားခြင်းဖြင့် စာကျက်ချိန်ထိခိုက်နိုင်ကြောင်း မိမိတို့အကျိုးရှိသည့်အရာများကိုသာဦးစားပေး
ဆောင်ရွက်သင့်ကြောင်းအမှာစကားပြောကြားသည်။
ထို့နောက် နတ်ကြီးချောင် ရဲကင်းမှ ဒုရဲအုပ်ရဲပြည့်ဖြိုး က ဂိမ်းဆော့ကစားခြင်းသည်ကျောင်းသား/သူများ၏အမြင်အာရုံကိုထိခိုက်နိုင်ခြင်းကြောင့်အချိန်အခါနှင့်ဆော့သင့်ကြောင်း၊ဂိမ်းကိုဆော့ခြင်းသည်မိမိအသက်အန္တရာယ် ပါထိခိုက်နိုင်သောကြောင့် မဆော့လျင်မိမိအတွက်ပိုပြီးသင့်တော်ကြောင်းယခုအရွယ်သည်ပညာရှာသည့်အရွယ်ဖြစ်သောကြောင့် ကျောင်းစာကိုသာ လေ့လာကျက်မှတ်ကြဖို့လိုအပ်ပါကြောင်းဟောပြောဆွေးနွေးခဲ့သည်။
ပေါင်မြို့နယ်ရဲတပ်ဖွဲ့အနေဖြင့် ပြည်သူတွေရဲ့အသက်အိုးအိမ်များကိုကာကွယ်စောင့်ရှောက်ပေးသည့်အပြင် ကျောင်းသား/သူများအနေဖြင့်မလိုလားအပ်သော ရောဂါများ မဖြစ်ပွားစေရန်ရည်ရွယ်၍ အသိပညာပေးလုပ်ငန်းများစဉ်ဆက်မပြတ်လုပ်ဆောင်နေကြောင်းသိရသည်။
https://t.me/MyanmarNationalPost
No comments:
Post a Comment