MNP - ဇန်နဝါရီ ၅
ရန်ကုန်တိုင်းဒေသကြီး၊ တွံတေးခရိုင်၊ တွံတေးမြို့နယ်တွင် (၇၅)နှစ်မြောက် စိန်ရတုလွတ်လပ်ရေးနေ့ အထိမ်းအမှတ်ပျော်ပွဲရွှင်ပွဲအားကစားပြိုင်ပွဲများကို ယနေ့နံနက်(၉)နာရီမှစတင်ကာ ရပ်ကွက်များ၌ အသီးသီးကျင်းပလျက်ရှိကြောင်း သိရသည်။
ပျော်ပွဲရွှင်ပွဲအားကစားပြိုင်ပွဲများအဖြစ် ပိုက်ကျော်ခြင်းပြိုင်ပွဲ၊ ဖူဆယ်ဘောလုံးပြိုင်ပွဲ၊ ကျား/မပြေးခုန်ပစ်ပြိုင်ပွဲများ၊ အပ်ချည်ထိုး၊ စကောရွက်၊ မုန့်ကိုက်၊ သံပုံးရိုက်၊ အုန်းသီးလု၊ အာလူးကောက်၊ ဌက်ပျောပင်ချောတိုင်တက်ပွဲ၊ ဘဲဖမ်းပြိုင်ပွဲပြိုင်ပွဲများ ကျင်းပခဲ့ကြောင်း သိရသည်။
အဆိုပါ အားကစားပြိုင်ပွဲသို့ ရပ်ကွက်အုပ်ချုပ်ရေးမှူးများ၊ ရပ်မိရပ်ဖများ၊ အလှူရှင်များနှင့် ရပ်ကွက်နေပြည်သူများကအားပေးခဲ့ပြီး ပြိုင်ပွဲအသီးသီး၌ ဆုရရှိသူများအား ဆုများချီးမြှင့်ခဲ့ကြကြောင်း သိရသည်။
https://t.me/MyanmarNationalPost
No comments:
Post a Comment