MNP - ဇန်နဝါရီ ၁၉
ပဲခူးတိုင်းဒေသကြီး၊ သာယာဝတီခရိုင်၊ မိုးညိုမြို့၊ အထွေထွေအုပ်ချုပ်ရေးဦးစီးဌာနရုံး အစည်းအဝေးခန်းမတွင် ယမန်နေ့နံနက်ပိုင်းက ကလေးသူငယ်အခွင့်အရေးများဆိုင်ရာ ဥပဒေအသိပညာပေး ဟောပြောပွဲပြုလုပ်ခဲ့သည်။
ဟောပြောပွဲတွင် မြို့နယ်ကလေးသူငယ်အခွင့်အရေးများဆိုင်ရာကော်မတီဥက္ကဋ္ဌကိုယ်စား ဒုတိယမြို့နယ်အုပ်ချုပ်ရေးမှူး ဦးအောင်ဇင်ဦးကအဖွင့်အမှာစကားပြောကြားပြီး သာယာဝတီခရိုင်လူမှုဝန်ထမ်းရုံးမှ မြို့နယ်ကလေးသူငယ်အခွင့်အရေးများဆိုင်ရာကော်မတီအတွင်းရေးမှူး ဒေါ်မို့မို့အေးက"ကလေးသူငယ်အခွင့်အရေးများဆိုင်ရာဥပဒေ"နှင့်ပတ်သက်၍ အသိပညာပေးဟောပြောခဲ့ပြီး တက်ရောက်လာသူများက သိလိုသည်များကိုမေးမြန်းကြရာ ပြန်လည်ဖြေကြားဆွေးနွေးခဲ့သည်။
အဆိုပါဟောပြောပွဲသို့ မြို့နယ်အထွေထွေအုပ်ချုပ်ရေးဦးစီးဌာနမှ ဒုတိယမြို့နယ်အုပ်ချုပ်ရေးမှူးဦးအောင်ဇင်ဦး၊ သာယာဝတီခရိုင်လူမှုဝန်ထမ်းရုံးမှ ဦးစီးအရာရှိဒေါ်မို့မို့အေး၊ မိုးညိုမြို့နယ် အမျိုးသမီးရေးရာ၊ မိခင်နှင့်ကလေးစောင့်ရှောက်ရေးအသင်းဥက္ကဋ္ဌ ဒေါ်ခက်ခက်အောင်နှင့်အဖွဲ့ဝင်များ၊ ဖိတ်ကြားထားသူများတက်ရောက်ခဲ့ကြောင်းသိရသည်။
ကိုမင်း
https://t.me/MyanmarNationalPost
No comments:
Post a Comment