MNP - ဇန်နဝါရီ ၂၆
မကွေးတိုင်းဒေသကြီး၊ ပခုက္ကူမြို့၊ နယ်စပ်ရေးရာဝန်ကြီးဌာန၊ ပညာရေးနှင့်လေ့ကျင့်ရေးဦးစီးဌာန၊ အမျိုးသမီးအိမ်တွင်းမှုလုပ်ငန်းပညာသင်တန်းကျောင်းခန်းမတွင် ယနေ့ နံနက် ၁၀ နာရီအချိန်က လူကုန်ကူးမှုတားဆီးကာကွယ်ရေးနှင့် အသိပညာပေးဟောပြောပွဲ ပြုလုပ်သည်။
အခမ်းအနားတွင် ပခုက္ကူခရိုင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ဦးစီးအရာရှိ ဦးမျိုးမြင့်အောင်က လူမှုကွန်ယက်နှင့် ယဉ်ကျေးမှု၊ မြို့နယ်ဥပဒေအရာရှိ ဦးစောလင်းအောင်နှင့် အမှတ်(၂) လူကုန်ကူးမှုတားဆီးနှိမ်နင်းရေးတပ်ဖွဲ့စိတ်၊ ရဲအုပ် သိန်းဌေးတို့က လူကုန်ကူးမှုတားဆီးကာကွယ်ရေးဆိုင်ရာ သာဓကနှင့် ဉပဒေ၊ ပစ်မှုပစ်ဒဏ်များ၊ ပြည်သူ့ကျန်းမာရေးဦးစီးဌာနမှ မြို့နယ်ကျန်းမာရေးမှူး ဦးစန်းမင်းအောင်က တီဘီရောဂါအဖြစ်အများဆုံး နိုင်ငံများ၊ နောက်ဆက်တွဲရောဂါများ၊ ဆေးယဉ်ပါးမှု၊ ကူစက်မှု၊ ရောဂါလက္ခဏာများ၊ ကာကွယ်ရေးနှင့်ကုသရေးဆိုင်ရာ အသိပညာများကို အသိပညာပေး ဟောပြောခဲ့ကြပြီး မြန်မာနိုင်ငံရဲတပ်ဖွဲ့၊ အမှတ်(၁၇) ယာဉ်ထိန်းရဲတပ်ဖွဲ့မှ လမ်းစည်းကမ်း၊ ယာဉ်စည်းကမ်းများကို အသိပညာပေးဟောပြောကာ အသိပညာပေးလက်ကမ်းစာစောင်များကိုလည်း ဖြန့်ဝေခဲ့ကြသည်။
အဆိုပါ အသိပညာပေးအခမ်းအနားကို ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မြို့နယ် ဥပဒေရုံး၊ ပြည်သူ့ကျန်းမာရေးဦးစီးဌာန၊ အမှတ်(၁၇) ယာဉ်ထိမ်းရဲတပ်ဖွဲ့၊ အမှတ်(၂)လူကုန်ကူးမှုတားဆီးနှိမ်နင်းရေးတပ်ဖွဲ့စိတ်တို့မှ တာဝန်ရှိသူများ၊ အမျိုးသမီးအိမ်တွင်းမှုလုပ်ငန်းပညာသင်တန်းကျောင်းမှ ကျောင်းအုပ်ဆရာမကြီးနှင့် အဆင့်မြင့်အိမ်တွင်းမှုစက်ချုပ်သင်တန်းအမှတ်စဉ် (၅) သင်တန်းသူများ တက်ရောက်ခဲ့ကြကြောင်း သိရသည်။
ကိုဇော်
https://t.me/MyanmarNationalPost
No comments:
Post a Comment