တနင်္သာရီမြို့နယ်အားကစားနှင့် ကာယပညာကော်မတီဥက္ကဋ္ဌဖလား (၁၈)နှစ်အောက်၊ ကျောင်းပေါင်းစုံအမျိုးသမီး ဂိုးလတ်ပြိုင်ပွဲကျင်းပ

MNP  -  ဇန်နဝါရီ  ၁၅

(၇၆)နှစ်မြောက်၊ ပြည်ထောင်စုနေ့ကို ကြိုဆိုဂုဏ်ပြုသောအားဖြင့် တနင်္သာရီတိုင်းဒေသကြီး မြိတ်ခရိုင် တနင်္သာရီမြို့နယ် အားကစားကဏ္ဍဖွံ့ဖြိုးမှု အစီအစဉ်(TSDP)အရ မြို့နယ် အားကစားနှင့်ကာယပညာကော် မတီဥက္ကဋ္ဌဖလား (၁၈)နှစ်အောက်၊ အခြေခံပညာကျောင်း ပေါင်းစုံအမျိုးသမီးဂိုးလတ်ဘောလုံးပြိုင်ပွဲကို ယနေ့နံနက် ၈ နာရီအချိန်မှစ၍ မြို့မအားကစားကွင်းအတွင်း အထက-တနင်္သာရီ(ခ)အသင်းနှင့် အထက(ခွဲ) ချောင်းလမုရွာ အမျိုးသမီးအသင်းတို့ စတင်ယှဉ်ပြိုင်ကစားခဲ့ကြရာ အထက(ခွဲ)ချောင်းလမု အသင်းက (၃ဂိုး- ၀)ဖြင့် အနိုင်ရရှိခဲ့ကြောင်း သိရသည်။

အဆိုပါ (၁၈)နှစ်အောက်၊အခြေခံ ပညာကျောင်းပေါင်းစုံ အမျိုးသမီး ဂိုးလတ်ဘောလုံးပြိုင်ပွဲတွင် အထက-တနင်္သာရီ(က)အသင်း၊  အထက-တနင်္သာရီ(ခ)အသင်း၊  အထက(ခွဲ)-ချောင်းလ မုရွာအသင်း၊ အလက- လယ်တောင်ယာရွာအသင်း၊အထက-မော်တုန်း အသင်းနှင့် အလက (ခွဲ)-မရင်းကြီးရွာ…စသည့် အသင်း(၆)သင်းတို့က ပတ်လည် အမှတ်ပေး စနစ်ဖြင့် ယနေ့မှစ၍ နံနက်(၈)နာရီအချိန် တစ်ကြိမ်၊ ညနေ (၃)နာရီတွင် တစ်ကြိမ်ဖြင့် ယှဉ်ပြိုင်ကစားကြမည်ဖြစ်ပြီး နောက်ဆုံးဗိုလ် လုပွဲကို (၁၉-၁-၂၀၂၃)ရက် ညနေ(၃) နာရီတွင် ယှဉ်ပြိုင်ပွဲနှင့် ဆုချီးမြှင့်ပွဲကျင်းပပေးမည်ဖြစ်ကြောင်း မြို့နယ်အားကစားနှင့်ကာယပညာဦး စီးဌာနမှ ဦးစီး အရာရှိ ဦးအောင်သူရစိုးထံက သိရသည်။

https://t.me/MyanmarNationalPost