MNP - ဇန်နဝါရီ ၉
ဟိုတယ်နှင့် ခရီးသွားလာရေးဝန်ကြီးဌာနနှင့် ပြင်ဦးလွင် စစ်တက္ကသိုလ်၊ အဆင့်မြင့် စာပေပညာ ဗဟိုဌာနတို့ ပူးပေါင်းဖွင့်လှစ်သည့် ရုရှားဘာသာစကားအခြေခံသင်တန်း၊ အမှတ်စဉ် (၁/၂၀၂၂) သင်တန်းဆင်းပွဲကို ယမန်နေ့နံနက် ၁၀နာရီခွဲအချိန်က ပြင်ဉီးလွင်မြို့၊ ရပ်ကွက်ကြီး (၅) ရှိ တုံဂပူရိဟိုတယ် ခန်းမဆောင်၌ ကျင်းပပြုလုပ်ရာ ဟိုတယ်နှင့်ခရီးသွားလာရေးဝန်ကြီးဌာန၊ ပြည်ထောင်စုဝန်ကြီးနှင့်အဖွဲ့၊ ပြင်ဦးလွင်စစ်တက္ကသိုလ်ကျောင်းအုပ်ကြီး၊ ဗိုလ်ချုပ်ဇော်မင်းလတ်၊ တာဝန်ရှိသူများ၊ ဟိုတယ်ဝန်ထမ်းများနှင့် သင်တန်းသား၊ သင်တန်းသူများ တက်ရောက်ကြသည်။
ရှေးဉီးစွာ ဟိုတယ်နှင့်ခရီးသွားလာရေးဝန်ကြီးဌာန၊ ပြည်ထောင်စုဝန်ကြီး ဒေါက်တာဌေးအောင်က အဖွင့်အမှာစကားပြောကြားပြီး ပြင်ဦးလွင်စစ်တက္ကသိုလ်ကျောင်းအုပ်ကြီး၊ ဗိုလ်ချုပ်ဇော်မင်းလတ်မှ ရုရှားဘာသာစကားအခြေခံသင်တန်း၊ အမှတ်စဉ်(၁/၂၀၂၂) သင်တန်းဆင်း အမှာစကားပြောကြားပြီး သင်တန်းတွင် ပို့ချပေးခဲ့သော နည်းပြဆရာများအား ဟိုတယ်နှင့်ခရီးသွားလာရေးဝန်ကြီးဌာန၊ ပြည်ထောင်စုဝန်ကြီး ဒေါက်တာဌေးအောင်က ဂုဏ်ပြုချီးမြှင့်ငွေနှင့် ဂုဏ်ပြုလက်မှတ်များပေးအပ်ခဲ့ သည်။
ဆက်လက်ပြီး သင်တန်းတွင် ထူးချွန်စွာအောင်မြင်ခဲ့ကြသည့် သင်တန်းသား/သင်တန်းသူများအား ပြင်ဦးလွင်စစ်တက္ကသိုလ်ကျောင်း အုပ်ကြီး ဗိုလ်ချုပ်ဇော်မင်းလတ်မှ ဆုများအသီးသီးချီးမြှင့်ပေးခဲ့ပြီး ပြင်ဦးလွင်စစ်တက္ကသိုလ်၊ ပါမောက္ခချုပ် ဗိုလ်မှူးချုပ် သိန်းလွင်က သင် တန်းသား/ သင်တန်းသူများအား သင်တန်းဆင်းလက်မှတ်များ ပေးအပ်ချီးမြှင့်ခဲ့၍ သင်တန်းဆင်းကျောင်းသား/ကျောင်းသူများက ဘာ သာစကားစွမ်းရည်သရုပ်ပြ တင်ဆက်ခဲ့ကြကြောင်း သိရသည်။
https://t.me/MyanmarNationalPost
No comments:
Post a Comment