MNP - ဇန်နဝါရီ ၁၂
ရခိုင်ပြည်နယ် မာန်အောင်မြို့ ရန်အောင်မြင်ရပ်ကွက်အခြေခံပညာမူလတန်းကျောင်း၌ ၂၀၂၂-၂၀၂၃ ပညာသင်နှစ်၊ ပညာရေးစုံညီပွဲတော် အခမ်းအနားကို ယနေ့ နေ့လယ်၁၂နာရီက အဆိုပါကျောင်း၌ ကျင်းပခဲ့သည်။
ရှေးဦးစွာ အခမ်းအနားတွင်ကျောင်းသား/သူများက မြန်မာ့ကျောင်းသီချင်းဖြင့် သီဆိုဖွင့်လှစ်ကြပြီးကျောင်းအုပ်ဆရာမကြီးဒေါ်နုနုလွင်ကပညာရေးစုံညီပွဲတော်ကျင်းပရခြင်းနှင့် ကျောင်းသား/သူများ ကာယ၊ဉာဏ၊စာရိတ္တဖွံဖြိုးတိုးတက်ရေးနှင့် စပ်လျဥ်း၍ရှင်းလင်းပြောကြားသည်။
ယင်းနောက် ရန်အောင်မြင်ရပ်ကွက် အုပ်ချုပ်ရေးမှူးဦးဇော်ဝင်းမှ ကျောင်းဖွံ့ဖြိုးရေးဆိုင်ရာများနှင့်ကျောင်းသား/ ကျောင်းသူများဘက်စုံ ထူးချွန်ရေး ဆရာ၊မိဘ၊ကျောင်းသားများက ပူးပေါင်းပါဝင်ဆောင်ရွက်နိုင်ရေး ရှင်းလင်းပြောကြားသည်။
ထို့နောက်၂၀၂၂-၂၀၂၃ပညာသင်နှစ်ပညာရည်ချွန်ဆုရရှိသောကျောင်းသား/ ကျောင်းသူများနှင့် ကာယ၊ ဉာဏ ထူးချွန်ဆုရရှိကြသည့် ကျောင်းသား/ ကျောင်းသူများအား ကျောင်းအုပ်ဆရာမကြီးနှင့် တာဝန်ရှိသူများမှ ဆုများအသီးသီးပေး အပ်ချီးမြှင့်ကြပြီး ကျောင်းသား/ ကျောင်းသူများက တေးသရုပ်ဖော် အကအလှများဖြင့် သီဆိုကပြဖျော်ဖြေခဲ့ကြကြောင်း သိရသည်။
ဦးသိန်းဖေ
https://t.me/MyanmarNationalPost
No comments:
Post a Comment