MNP - ဇန်နဝါရီ ၂၃
မကွေးတိုင်းဒေသကြီး အောင်လံခရိုင်၊ အောင်လံမြို့၌ စိုက်ပျိုးရေး၊ မွေးမြူရေး၊ ကူးသန်းရောင်းဝယ်ရေး နှင့် မိသားစုအိမ်တွင်း တစ်ပိုင်တစ်နိုင် စက်မှုလက်မှုလုပ်ငန်းများ လုပ်ကိုင်ဆောင်ရွက်ကြသကဲ့သို့ စက်ရုံရပ်ကွက်တွင် ဥစားကြက်များကို မွေးမြူခြင်းလုပ်ငန်းဖြင့် မိသားစုစားဝတ်နေရေး အဆင်ပြေစေရန် လုပ်ကိုင်ဆောင်ရွက်သူများရှိကြောင်း သိရသည်။
ဥစားကြက်များကို မွေးမြူရာတွင် တစ်ရက်သားရှိသော ကြက်ကလေးများကို ရန်ကုန်မြို့မှ တစ်ကောင်လျှင် ကျပ်(၉၀၀)နှုန်းဖြင့် ဝယ်ယူရပြီး လေးလကြာအောင် ကုမ္ပဏီအစာများကို ကျွေးမွေးကာ ပြုစုစောင့်ရှောက်ကြရကြောင်း သိရသည်။ လေးလကြာပြီးလျှင် ဥများကို စတင်ဥကြပြီး တစ်နှစ်ခွဲခန့်ကြာအောင် ဥပြီးလျှင် ၎င်းကြက်မများကို ဥတုံးကြက်မများအဖြစ် သက်မှတ်ကာ ဟင်းစားအဖြစ် ၁ ပိဿာလျှင် ၅၅၀၀ ကျပ်နှုန်းဖြင့် ပြန်လည်ရောင်းချကြသည်။ ယခုအခါ ဥစားကြက်မွေးမြူသူများအနေဖြင့် ဥတုံးကြက် ၁ ပိဿာလျှင် ၅၅၀၀ကျပ်နှုန်းနှင့် ကြက်ဥတစ်လုံးလျှင် ၂၅၀ ကျပ်နှုန်း ရောင်းချကြရသည့်အတွက် ကုန်ကျစရိတ်ကာမိရုံသာမက မိသားစုစားဝတ်နေရေးကိုပါ အထောက်အကူဖြစ်စေကြောင်း ဒေသခံ ဥစားကြက်မွေးမြူရေးလုပ်ငန်းလုပ်ကိုင်သူ တစ်ဦးထံမှ သိရသည်။
https://t.me/MyanmarNationalPost
No comments:
Post a Comment