MNP - ဇန်နဝါရီ ၂၆
ရခိုင်ပြည်နယ်၊ အမ်းခရိုင်၊ အမ်းမြို့နယ်၌ယာဉ်စည်းကမ်းလမ်းစည်းကမ်းအသိပညာပေးခြင်းအား ပြည်သူအများသိရှိရန် မီးတန်းဆိုင်ကယ် မော်တော်ယာဉ်များဖြင့်လှည့်လည် အသိပညာပေးခြင်း နှင့် လက်ကမ်းစာစောင်များဖြန့်ဝေပေးခြင်းကို မြို့ပေါ်ရပ်ကွက်များသို့လှည့်လည်၍ယနေ့ နံနက် (၉)နာရီ အချိန်က ဆောင်ရွက်ခဲ့သည်။
အမ်းမြို့နယ်အတွင်းယာဉ်မတော် တဆမှုများလျော့ နည်းစေရေးရည်ရွယ်၍အမှတ်(၂၁) ယာဉ်ထိန်းရဲတပ်ဖွဲ့စု၊ အမ်း ယာဉ်ထိန်းရဲတပ်ဖွဲ့စိတ်မှ တပ်ဖွဲ့စိတ်မှူး ဒုရဲအုပ် သန့်ဇင်ဦး နှင့် ယာဉ်ထိန်းရဲတပ်ဖွဲ့ဝင်များက ပြည်သူအ များသိရှိရန် ယာဉ်စည်းကမ်း လမ်းစည်း ကမ်းနှင့်အညီလိုက်နာ မောင်းနှင်သွားလာနိုင်စေရေး၊ မော်တော် ကားနှင့် မော်တော် ဆိုင်ကယ်များကို စီးနှင်းသူများလိုက်နာ ရန်စည်းကမ်းများ၊ မော်တော်ဆိုင်ကယ်စီးလျှင် သတ်မှတ် ထားသော စံချိန်စံညွန်း ကိုက်ညီသည့်ဆိုင်ကယ် စီးဦးထုတ် ဆောင်း၍ မေးသိုင်း ကြိုးသေချာစွာတပ်ရမည်၊ မီးကောင်းမွန်ရမည်၊ မူးယစ်သောက် စားပြီးမစီးရ၊ နောက်ကြည့်မှန်၊ကောင်းမွန် သောဘရိတ်နှင့်ကောင်းမွန်သောတာယာများပါရှိရန်၊ ယာဉ်ကြောပိတ်ဆို့မှု့အချက်ပြစနစ်များကိုလိုက်နာရန်၊ ခြေလျင် သွားလာသည့် ပြည်သူများ အနေဖြင့် လမ်းဖြတ်ကူးသူများ လိုက်နာရမည့် ယာဉ်စည်းကမ်းလမ်းစည်း ကမ်း ယာဉ်အန္တ ရာယ် ကင်းဝေးစေရေး အသိပညာပေးပြောကြားခဲ့သည်။
ယင်းနောက် အမ်း ယာဉ်ထိန်းရဲတပ်ဖွဲ့စိတ်မှ ရဲတပ်ဖွဲ့ဝင်များက ပြည်သူများအား ယာဉ်အန္တရာယ်ကင်းဝေးရေး အသိပညာပေး လက်ကမ်းစာ စောင်များ ဖြန့်ဝေပေးခဲ့ကြောင်းသိရသည်။
စိုးမင်းထွန်း
https://t.me/MyanmarNationalPost
No comments:
Post a Comment