MNP - ဇန်နဝါရီ ၂၀
ရခိုင်ပြည်နယ် မောင်တောမြို့နယ်၌ ၂၀၂၂-၂၀၂၃ ပညာသင်နှစ်၊ အမှတ် (၁) အခြေခံပညာအထက်တန်း ကျောင်း၏ ပညာရေးစုံညီပွဲတော်နှင့် ပညာရည်ချွန်ဆုပေးပွဲ အခမ်းအနားကို ယမန်နေ့မွန်းလွဲ ၁ နာရီအချိန် အဆိုပါကျောင်းတွင် ကျင်းပပြုလုပ်သည်။
ရှေးဦးစွာ ကျောင်းသား၊ကျောင်းသူလေးများက “ကြိုဆိုပါသည် စုံညီပွဲတော်” သီချင်းဖြင့် သီဆိုဖျော်ဖြေပေးခဲ့ကြပြီး မောင်တောမြို့နယ် ပညာရေးမှူး ဦးအောင်မြင့်သိန်းက အမှာစကား ပြောကြားခဲ့သည်။ ဆက်လက်၍ အမှတ်(၁) အခြေခံပညာအထက်တန်းကျောင်းမှ ကျောင်းအုပ်ဆရာမကြီး ဒေါ်တင်တင်အေးက ကျေးဇူးတင် ဝမ်းမြောက်စကား ပြောခဲ့ပြီး ကျောင်းသား၊ကျောင်းသူလေးများက ရိုးရာယိမ်း အကအလှများ ၊ တေးသီချင်း အမျိုးမျိုးဖြင့် ကပြ ဖျော်ဖြေပေးခဲ့ကြသည်။ ထို့နောက် ၂၀၂၂-၂၀၂၃ ပညာသင်နှစ်အတွင်း ကဏ္ဍအသီးသီးတွင် ပညာရည်ချွန်ဆုရရှိသူများနှင့် အားကစားထူးချွန်ဆု ရရှိသော ကျောင်းသား/သူများအား မြို့နယ်ပညာရေးမှူး၊ ကျောင်းအုပ်ဆရာမကြီးနှင့် တာဝန်ရှိသူများက ဆုများ အသီးသီးချီးမြှင့်ပေးကြပြီး ကျောင်းသား၊ ကျောင်းသူလေးများက “တို့ကျောင်းသား” သီချင်းဖြင့် သီဆိုဖျော်ဖြေပေးခဲ့ကြကြောင်း သိရသည်။
သက်လွင်စိုး၊အောင်ကျော်စိန်
https://t.me/MyanmarNationalPost
No comments:
Post a Comment