MNP ၊ ဇန်နဝါရီ ၇
ရခိုင်ပြည်နယ် အမ်းခရိုင် အမ်းမြို့နယ်အမ်းမြောက်ကျေးရွာအုပ်စု သစ်ပုတ်ပင်ဒိုင်ကျေးရွာအခြေခံပညာမူလတန်းကျောင်း၌၂၀၂၂- ၂၀၂၃ ပညာသင်နှစ် ပညာရေးစုံညီပွဲတော်ကို ယမန်နေ့ နံနက် ၁၀ နာရီက သစ်ပုတ်ပင်ဒိုင်ကျေးရွာ အခြေ ခံပညာ မူလတန်းကျောင်း၌ ကျင်းပပြုလုပ်ခဲ့သည်။
ရှေးဦးစွာ ကျောင်းသား ကျောင်းသူများမှ မြန်မာ့ကျောင်းသီချင်းဖြင့် သီဆိုဖွင့်လှစ်ပေးခဲ့ပြီးအခြေခံ ပညာဦးစီးဌာနမှ ဒုတိယမြို့နယ်ပညာရေးမှူးဦးဥာဏ်မြင့်က ပညာရေးလုပ်ငန်းများနှင့်ပတ်သက်၍ ရှင်း လင်းပြောကြားခြင်း၊ ကျောင်းအကျိုးတော်ဆောင် တစ်ဦးကကျောင်းလုပ်ငန်းများနှင့်ပတ်သက် ၍ ဆွေးနွေးပြောကြားခဲ့သည်။
ထို့နောက် ၂၀၂၁- ၂၀၂၂ ပညာသင်နှစ်အတွက် ထူးချွန်ဆုများရရှိသော ကျောင်းသား ကျောင်းသူများအား တက်ရောက်လာကြသော တာဝန်ရှိသူများက ဆုများအသီးသီးချီးမြှင့်ပေးခဲ့ပြီး ကျောင်းသားကျောင်းသူများက ကပြဖျော်ဖြေကာ အခမ်းအနားကို ဇာတိမာန်သီချင်းဖြင့် ပိတ်သိမ်းခဲ့ကြောင်း သိရသည်။
စိုးမင်းထွန်း
https://t.me/MyanmarNationalPost
No comments:
Post a Comment