MNP - ဇန်နဝါရီ ၂၆
တနင်္သာရီတိုင်းဒေသကြီး၊ ဘုတ်ပြင်းခရိုင်၊ ဘုတ်ပြင်းမြို့နယ်၌ ခရိုင်နှင့် မြို့နယ်အဆင့် အထွေထွေအုပ်ချုပ်ရေးဦးစီးဌာန အုပ်ချုပ်ရေးမှူးများနှင့် ဝန်ထမ်းများ၊ ရပ်ကွက်ကျေးရွာအုပ်ချုပ်ရေးမှူးများနှင့် အဖွဲ့ဝင်များ၊ ဌာနဆိုင်ရာများ ပူးပေါင်း၍ ဘုတ်ပြင်းမြို့၏ မြို့ကျက်သရေဆောင် ရာဇာမုနိစေတီတော်၌ ဇန်နဝါရီလ (၂၆) ရက်နေ့ နံနက်ပိုင်းက စုပေါင်းသန့်ရှင်းရေး ဆောင်ရွက်ခဲ့ကြကြောင်း သိရသည်။
အဆိုပါ စုပေါင်းသန့်ရှင်းရေးဆောင်ရွက်ရာတွင် ခရိုင်နှင့်မြို့နယ် အထွေထွေအုပ်ချုပ်ရေးဦးစီးဌာန အုပ်ချုပ်ရေးမှူးများနှင့် ဝန်ထမ်းများ၊ ရပ်ကွက်ကျေးရွာအုပ်ချုပ်ရေးမှူးများနှင့် အဖွဲ့ဝင်များ၊ မီးသတ်တပ်ဖွဲ့ဝင်များ ပူးပေါင်းပြီး ပြည်သူ့အကျိုးပြုလုပ်ငန်းအဖြစ် ရာဇာမုနိစေတီတော်မြတ်ကြီး၏ စေတီရင်ပြင်ပေါ်တွင် တံမြတ်စည်းလှဲခြင်း၊ ရင်ပြင်တော်အား ဆေးကြောသန့်စင်ခြင်း၊ ဂြိုလ်တိုင်ခုံများ ဆေးကြောသန့်စင်ခြင်း၊ စေတီတော်မြတ်အား ရေညှိများ သန့်ရှင်းရေးပြုလုပ်ခြင်း၊ ဆင်းတုတော်များ ရေသပ္ပာယ်ပေးခြင်းများ ပြုလုပ်ကာ စုပေါင်းကုသိုလ် ပြုလုပ်ခဲ့ကြောင်း သိရသည်။
ထိုသို့ စုပေါင်းသန့်ရှင်းရေးများကို စေတီတော်များ၊ သာသနိကအဆောက်အဦများ၊ ပြည်သူ့ဆေးရုံများ၊ စာသင်ကျောင်းများနှင့် အများပြည်သူနှင့် သက်ဆိုင်သည့် နေရာများတွင် ဆောင်ရွက်လျက်ရှိကြောင်း သိရသည်။
https://t.me/MyanmarNationalPost
No comments:
Post a Comment