မြန်အောင်တာမိုင် ၅/၆ အနီးမြစ်ကမ်းထိန်းလုပ်ငန်းများဆောင် ရွက်နေမှုအား ခရိုင်စီမံအုပ်ချုပ်ရေးအဖွဲ့ ဥက္ကဋ္ဌ ကြည့်ရှုစစ်ဆေး

MNP  -   ဇန်နဝါရီ  ၁၅

ဧရာဝတီတိုင်းဒေသကြီး၊ မြန်အောင်ခရိုင်၊မြန်အောင်မြို့ အမှတ်(၁)ရပ်ကွက် မြန်အောင်တာမိုင် ၅/၆ အနီး ၂၀၂၂-၂၀၂၃ ဘဏ္ဍာနှစ်ပြည်ထောင်စုရန်ပုံ ငွေကျပ် (၅၀၀)သန်းဖြင့် မြစ်ကမ်းထိန်း လုပ်ငန်းများဆောင်ရွက်နေမှုကို ယမန်နေ့ နံနက်က မြန်အောင်ခရိုင် စီမံအုပ်ချုပ်ရေးအဖွဲ့ ဥက္ကဋ္ဌ ဦးမျိုးလှိုင်၊ မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးနေမင်းထွန်းနှင့်တာဝန်ရှိသူများက ကွင်းဆင်း ကြည့်ရှုစစ်ဆေးခဲ့သည်။

အဆိုပါ မြစ်ကမ်းထိန်းလုပ်ငန်းကို ဘိုးပိုင်အခြေပြုကျောက်စီနံရံနှင့်ရေထဲပိုင်း Geo bag ချခြင်းလုပ်ငန်း အလျား ၂၆၀ ပေ ၊ ၂၀၂၂-၂၀၂၃ ဘဏ္ဍာနှစ် ပြည်ထောင်စုရန်ပုံငွေ ကျပ် (၅၀၀) သန်းဖြင့် လုပ်ငန်းသုံးပစ္စည်းတင်ဒါခေါ်ယူ၍ ရေအရင်းအမြစ်နှင့်မြစ်ချောင်းများဖွံ့ ဖြိုးတိုးတက်ရေးဦးစီးဌာနမှလုပ်ငန်းများ ဆောင်ရွက်လျက်ရှိကြောင်း သိရသည်။

ဝင်းဗိုလ်

https://t.me/MyanmarNationalPost