MNP - ဇန်နဝါရီ ၄
ရခိုင်ပြည်နယ်၊ မြောက်ဦးခရိုင်၊ မြောက်ဦးမြိုနယ် လက်ကောက်ဈေးအုပ်စု၊ ဆင်ချဆိပ်ရွာသစ်၌ ၃-၁-၂၀၂၃ ရက်နေ့ ညနေ(၉:၂၅)အချိန်က မီးလောင်မှုဖြစ်ပွားခဲ့ကြောင်း သိရသည်။
ဖြစ်စဉ်မှာ မြောက်ဦးမြို့နယ်၊ လက်ကောက်ဈေးအုပ်စု၊ ဆင်ချဆိပ်ရွာသစ်နေ ဒေါ်ဦးမြသိန်းနေအိမ် တွင် ကလေးအိပ်နေစဉ် လူကြီးမရှိဘဲဖယောင်းတိုင်မီးထွန်းထားခဲ့ရာမှ အနီးရှိဝါးထရံသို့ မီးကူးစက် လောင်ကျွမ်းခဲ့ကြောင်းသိရသည်။
အဆိုပါမီးလောင်ရာ နေရာသို့ မြောက်ဦးမြို့နယ်မီးသတ်စခန်းမှ သန္ဓေမီးတပ်ဖွဲ့ဝင်(၄)နှင့်အတူ ဆင်ချဆိပ်ရွာသစ်ရှိ ရွာသူ/ရွာသားများမှ အနီးရှိချောင်းမှရေများဖြင့် ဝိုင်းဝန်းငြိမ်းသတ်ခဲ့ရာ (၉:၄၀) အချိန်တွင် မီးငြိမ်းသွားခဲ့ပြီး မယုယုမော်(သ)၁၀နှစ်မှာ ပါး၊ လက်၊ ခြေ(ဝဲ/ယာ) တို့တွင် မီးလောင်ဒဏ်ရာ အနည်းငယ်ရရှိ၍ မြောက်ဦးခရိုင်ပြည်သူ့ဆေးရုံတွင် ဆေးကုသမှုခံယူလျှက်ရှိကြောင်း သိရသည်။
ထိုသို့မီးလောင်မှုကြောင်း မီးဘေးသင့်ပြည်သူ့ ကျား(၁)ဦး၊ မ(၃)ဦး၊ စုစုပေါင်း(၄)ဦးတို့အား နီးစပ်ရာဆွေမျိုးနေအိမ်တွင် ယာယီနေထိုင်လျက်ရှိပြီး ကျေးရွာအုပ်ချုပ်ရေးမှူးများနှင့် တာဝန်ရှိ သူ များမှ ကူညီဆောင်ရွက်ပေးလျှက်ရှိကြောင်း သတင်းရရှိသည်။
မြင့်စိုး ၊ စိုးငြိမ်းနိုင်
https://t.me/MyanmarNationalPost
No comments:
Post a Comment