MNP - ဇန်နဝါရီ ၂၆
စစ်ကိုင်းတိုင်းဒေသကြီး၊ ခန္တီးမြို့တွင် ဇန်နဝါရီလ(၂၆)ရက် နံနက်(၁၀)နာရီအချိန်က ဆောင်းနေကြာပန်းတိုင် အထွက်နှုန်းရရှိရေးအတွက် ပေါမိုင်းရပ်၊ အောင်သာကျေးရွာရှိ တောင်သူဦးညွှန့်ဝေ၏ ဆောင်းနေကြာ စံပြစိုက်ခင်းအတွင်း မြေဩဇာကျွေးဘောင်တင်ခြင်းကို ပြုလုပ်ခဲ့ရာ ခရိုင်စိုက် ပျိုးရေးဦးစီးမှူး ဦးနိုင်မော်လွင်က ကွင်းသရုပ်ပြပွဲ ပြုလုပ်ရခြင်း၏ ရည်ရွယ်ချက်အား ရှင်းလင်းပြော ကြားခဲ့သည်။
ထို့နောက် မြို့နယ်စိုက်ပျိုးရေးဦးစီးမှူး ဒေါ်စုစုခိုင်က နေကြာမျိုးစေ့များအကြောင်းကို ရှင်းလင်းပြောကြားပြီး မြေဩဇာကျွေးဘောင်တင်ခြင်းကို လက်တွေ့သရုပ်ပြ သဆောင်ရွက်ခဲ့သည်။ ဆက်လက်ပြီး တောင်သူဦးထွန်းထွန်းစိုး၏ နေကြာစိုက်ခင်းအတွင်း ပိုးမွှားကင်းထောက်ခြင်းကို ဆောင်ရွက်ခဲ့ရာ ခရိုင်သီးနှံကာကွယ်ရေးတာဝန်ခံ ဦးမင်းမင်းဇော်က နေကြာစိုက်ခင်းအတွင်း ကျရောက်တက်သော ပိုးမွှားများအကြောင်းကို ရှင်းလင်းပြောကြားကာ ပိုးမွှားကင်းထောက်ခြင်းကို လက်တွေ့သရုပ်ပြသ ဆောင်ရွက်ခဲ့သည်။
အဆိုပါကွင်းသရုပ်ပြပွဲသို့ သက်ဆိုင်ရာမြိုနယ်အဆင့် ဌာနဆိုင်ရာအကြီးအကဲများ၊ အောင်သာကျေးရွာရှိ တောင်သူများ တက်ရောက်ခဲ့ကြကြောင်း သိရသည်။
https://t.me/MyanmarNationalPost
No comments:
Post a Comment