MNP - ဇန်နဝါရီ ၁၃
သံတွဲခရိုင်၊ငပလီမြို့၌ယနေ့ မွန်းလွဲ (၁)နာရီအချိန်က ပြန်ကြားရေးနှင့် ပြည်သူ့ဆက်ဆံရေးဦးစီးဌာန ဝန်ထမ်းများစုပေါင်း၍ ပြည်ထောင်စုရာထူးဝန် အဖွဲ့မှ ထုတ်ဝေသည့် ရုံးလုပ်ငန်းလက်စွဲစာအုပ်ဖြင့် စာဖတ်ဝိုင်းပြုလုပ်ခဲ့သည်။
ရှေးဦးစွာ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မြို့ဦးစီးမှူကပြည်ထောင်စုရာထူးဝန်အဖွဲ့မှထုတ်ဝေသည့်ရုံးလုပ်ငန်းလက်စွဲစာအုပ်အခန်း (၁)ရုံးလုပ်ငန်းသဘောတရားများ ၊အခန်း(၂)ဝင်စာများအရေးယူဆောင်ရွက်ခြင်းခေါင်းစဥ်အောက်မှ ဝင်စာများကိုလက်ခံခြင်း၊ဝင်စာများကို မှတ်ပုံတင်ခြင်း၊ဝင်စာများကိုစိစစ်လေ့လာတင်ပြခြင်း၊အမှုကိစ္စဆောင်ရွက် ရန်ဝင်စာများကိုခွဲဝေပေးခြင်း၊အမှုကိစ္စ ဆောင်ရွက်ရန် ဝင်စာများကိုစနစ်တကျစာတွဲခြင်းတို့ကိုရှင်းလင်းပြောကြားသည်။
ဆက်လက်၍ စာဖတ်ဝိုင်းသို့တက်ရောက် လာကြသည့်ဝန်ထမ်းများကရုံးလုပ်ငန်းလက်စွဲစာအုပ် အခန်း(၂)ပါခေါင်းစဉ်အောက်မှ အမှုကိစ္စဆောင်ရွက်ရန် ဝင်စာများကိုစနစ်တကျစာတွဲ ခြင်း အကြောင်းအရာကို အသေးစိတ်ပြန်လည် ဖြည့်စွက်ဆွေးနွေးခဲ့ကြောင်းသိရသည်။
https://t.me/MyanmarNationalPost
No comments:
Post a Comment