MNP - ဇန်နဝါရီ ၂၃
မဟာအောင်မြေမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ လူထုအခြေပြုဗဟိုဌာန ကလေးစာဖတ်ခန်းမ၌ (၇၆) နှစ်မြောက် ပြည်ထောင်စုနေ့အကြို ဆေးရောင်ခြယ်ပြိုင်ပွဲကို ယနေ့ နံနက် (၁၁) နာရီအချိန်တွင် ကျင်းပခဲ့ကြောင်း သိရသည်။
အဆိုပါ ပြိုင်ပွဲတွင် မဟာအောင်မြေမြို့နယ် ပြန်ကြားရေးနှင့်ပြည်သူ့ဆက်ဆံရေး ဒုတိယ ဦးစီးမှူး ဦးညီဝင်းသူက ကလေးသူငယ် ကျောင်းသား/ ကျောင်းသူများ အချိန်ကို အကျိုးရှိစွာ အသုံးချတတ်စေရန်၊ ဉာဏ်ရည် ဉာဏ်သွေး သွက်လက်ထက်မြက်စေရန်၊ မှတ်သားမှု အားကောင်းစေရန်၊ အမြင်ဗဟုသုတ ရှိစေရန်၊ စာပေဖတ်ရှုလေ့လာရာတွင် ပိုမိုစိတ်ဝင်စားမှု ရှိစေရန် စသည့် ရည်ရွယ်ချက်များဖြင့် ပြိုင်ပွဲ ကျင်းပပြုလုပ်ပေးရခြင်းဖြစ်ကြောင်း ပြောကြားခဲ့သည်။
ဆက်လက်ပြီး ဆေးရောင်ခြယ်ပြိုင်ပွဲ ကျင်းပရာ ကျောင်းသား/ကျောင်းသူများက ပါဝင်ယှဉ်ပြိုင်ကြပြီး ဆုရရှိသူများကို ဒုတိယဦးစီးမှူး ဦးညီဝင်းသူက အမှတ် တရဆုလက်ဆောင်များ ပေးအပ်ချီးမြှင့်ခဲ့ကြောင်း သိရသည်။
အောင်ဇော်မင်း
https://t.me/MyanmarNationalPost
No comments:
Post a Comment