သထုံမြို့၊ အမှတ်(၃)အ‌ခြေခံပညာအထက်တန်းကျောင်း၌ ယာဉ်စည်းကမ်းလမ်းစည်းကမ်းဆိုင်ရာ အသိပညာပေးဟောပြောပွဲ ပြုလုပ်

MNP  -  ဇန်နဝါရီ    ၁၉

မွန်ပြည်နယ်၊ သထုံမြို့နယ်တွင် အမှတ်(၇၈)ယာဉ်ထိန်းရဲတပ်ဖွဲ့စု(သထုံ)နှင့် ကုန်းလမ်းပို့ဆောင်ရေးညွှန်ကြားမှုဦးစီးဌာနတို့ပူးပေါင်းကာ ကျောင်းသားကျောင်းသူများအား ယာဉ်စည်းကမ်းလမ်းစည်းကမ်းဆိုင်ရာ အသိပညာပေးဟောပြောခြင်းကို ယနေ့နံနက် ၁၀ နာရီအချိန်ခန့်က နန်းခဲရပ်ကွက်ရှိ အမှတ်(၃)အ‌ခြေခံပညာအထက်တန်းကျောင်းခန်းမ၌ ကျင်းပပြုလုပ်ခဲ့သည်။

အခမ်းအနားတွင် အမှတ်(၇၈) ယာဉ်ထိန်းရဲတပ်ဖွဲ့စု(သထုံ)မှ ရဲအုပ်အောင်နိုင်နှင့် ခရိုင်ကုန်းလမ်းပို့ဆောင်ရေး ညွှန်ကြားမှုဦးစီးဌာနမှ ယာဉ်စစ်ဆေးရေးမှူး(၂) ဦးအာကာစိုးတို့က ယာဉ်စည်းကမ်း လမ်းစည်းကမ်းဆိုင်ရာ ဥပဒေများ၊ ပြစ်မှုပြစ်ဒဏ်များနှင့် ကျောင်းသူကျောင်းသားများသိသင့်သည့် ယာဉ်စည်းကမ်းလမ်းစည်းကမ်းများကိုသိရှိပြီး လိုက်နာကြစေရေး၊ ယာဉ်မတော်တဆမှုများ လျော့နည်းကျဆင်းစေရေး ဆောင်ရန်/ဆောင်ရန်အချက်များတို့ကို အကျယ်တဝင့် ရှင်းလင်း ဟောပြောပြီး အမှတ်(၆၂)မူးယစ်တပ်ဖွဲ့စု(သထုံ)မှ ရဲအုပ် စောထင်လင်းက မူးယစ်ဆေးဝါးအန္တရာယ်နှင့် ဆိုးကျိုးများ၊ ပြစ်မှုပြစ်ဒဏ်များတို့ကို ရှင်းလင်းဆွေးနွေးကြရာ ကျောင်းသားကျောင်းသူများက သိလိုသည်တို့ကို ပြန်လည်မေးမြန်းဆွေးနွေးခဲ့ကြသည်။

အဆိုပါဟောပြောပွဲတွင် အမှတ်(၃) အ‌ခြေခံပညာအထက်တန်းကျောင်းမှ တာဝန်ခံ ကျောင်အုပ်ဆရာကြီး ဦးထိုက်လွန်းမောင်နှင့် ဆရာ/ဆရာမများ၊ ‌ကျောင်းသားကျောင်းသူများ စု‌စုပေါင်း(၂၄၀)ဦးခန့် တက်ရောက်ခဲ့ကြပြီး ယာဉ်စည်းကမ်းလမ်းစည်းကမ်းဆိုင်ရာ အသိပညာပေး လက်ကမ်းစာစောင်များကို အခမဲ့ဝေငှပေးခဲ့ကြောင်း သိရသည်။

 https://t.me/MyanmarNationalPost