MNP - ဇန်နဝါရီ ၂၃
မန္တလေးတိုင်းဒေသကြီး ကျောက်ဆည်မြို့နယ်တွင် ပညာကဏ္ဍပိုမိုဖွံ့ဖြိုးတိုးတက်ရေးအတွက် အခြေခံပညာဦးစီးဌာနမှ အခြေခံပညာကျောင်းများတွင် ကျောင်းဆောင်အသစ်များဆောက်လုပ်ပေးခြင်းနှင့် ကျောင်းဝင်းလုံခြုံရေး အုတ်တံတားကာရံပေးခြင်းလုပ်ငန်းများဆောင်ရွက်ပေးလျက်ရှိရာ အမှတ်(၇) အခြေခံပညာမူလတန်း(လွန်)ကျောင်းတွင်လည်း ကျောင်းဥပတိရုပ်ကောင်းမွန်ရေး ကျောင်းဝင်မုဒ်ဦးဆောက်လုပ်လျက်ရှိကြောင်း သိရသည်။
အဆိုပါကျောင်းဝင်းမုဒ်ဦးအား ကျောင်းအကျိုးတော်ဆောင်များဦးဆောင်မှုဖြင့် စေတနာအလှူရှင်များပူးပေါင်းပြီး ငွေကျပ်(၁၅)သိန်းအကုန်အကျခံကာ အကျယ်(၂၀)ပေ၊ အမြင့်(၈)ပေ သံပန်းတံခါး နှင့်ကျောင်းအမှတ်အသားစာတန်းများပါရှိသည့် သံပန်းခုံးမုဒ်ဦးပြုလုပ်ခဲ့ခြင်းဖြစ်ကြောင်သိရသည်။
အမှတ်(၇) အခြေခံပညာမူလတန်း(လွန်)ကျောင်း၌ KGတန်းတွင် ကျောင်းသား/ကျောင်းသူ (၂၄)ဦး၊ Grade-1တန်းတွင် ကျောင်းသား/ကျောင်းသူ(၁၉)ဦး၊ Grade-2 တန်းတွင်ကျောင်းသား/ကျောင်းသူ(၂၂)ဦး၊ Grade-3 တန်းတွင် ကျောင်းသား/ကျောင်းသူ(၂၈)ဦး၊ Grade-4 တန်းတွင် ကျောင်းသား/ကျောင်းသူ(၂၉)ဦး၊ Grade-5 တန်းတွင် ကျောင်းသား/ကျောင်းသူ(၂၆)ဦး ပညာသင်ကြားလျက်ရှိကြောင်းသိရသည်။
သက်မောင်
https://t.me/MyanmarNationalPost
No comments:
Post a Comment