MNP - ဇန်နဝါရီ ၃၁
အမှတ်(၅) လူကုန်ကူးမှုတားဆီးနှိမ်နင်းရေးရဲတပ်ဖွဲ့စု(စစ်တွေ)မှ လူကုန်ကူးမှုဆိုင်ရာ အသိပညာပေးဟောပြောပွဲကို ယမန်နေ့နံနက်ပိုင်းက စစ်တွေမြို့၊ အမှတ် (၁) အခြေခံပညာအထက်တန်း ကျောင်း၌ကျင်းပသည်။
ဟောပြောပွဲတွင် အမှတ်(၅) လူကုန်ကူးမှုတားဆီးနှိမ်နင်းရေးရဲတပ်ဖွဲ့စု(စစ်တွေ)မှ ရဲမှူးမျိုးလွင်က လူကုန်ကူး မှုဖြစ်ပေါ်လာပုံ၊ လူကုန်ကူးမှုတားဆီးနှိမ်နင်းရေးဥပဒေ၊ ကလေးသူငယ်များအား လူကုန်ကူးခြင်းရည်ရွယ်ချက် နှင့် လူကုန်ကူးမှုဖြစ်စဉ်များကို အသိပညာပေးဆွေးနွေးပြောကြားသည်။
ထို့နောက် တက်ရောက်လာကြသော ဆရာ၊ဆရာမများနှင့် ကျောင်းသား၊ ကျောင်းသူလေးများ က လူကုန်ကူး ဖြစ်စဉ်များနှင့်ပတ်သက်၍ သိရှိလိုသည်များကို မေးမြန်းဆွေးနွေးကြရာ ရဲမှူးမျိုးလွင်နှင့် တာဝန်ရှိသူများက ပြန်လည်ဆွေးနွေးပြောကြသည်။
ဆက်လက်၍ အမှတ်(၅) လူကုန်ကူးမှုတားဆီး နှိမ်နင်းရေးရဲတပ်ဖွဲ့စု (စစ်တွေ)မှ တပ်ဖွဲ့ဝင်များက လူကုန်ကူးမှုဆိုင်ရာအသိပညာပေးလက်ကမ်းစာစောင်များအား ဆရာ၊ဆရာမ များနှင့် ကျောင်းသား၊ကျောင်းသူလေးများအားဖြန့်ဝေပေးကြသည်။
အဆိုပါ အသိပညာပေးဟောပြောပွဲသို့ အမှတ်(၁) အခြေခံပညာအထက်တန်းကျောင်းမှ ကျောင်းအုပ်ဆရာကြီး၊ ဆရာ၊ ဆရာမများ၊ ကျောင်းသား၊ ကျောင်းသူများ စုစုပေါင်း (၁၈၅) ဦးတက်ရောက်ခဲ့ကြကြောင်းသိရသည်။
တင်ထွန်း
https://t.me/MyanmarNationalPost
No comments:
Post a Comment