MNP - ဇန်နဝါရီ ၇
ရခိုင်ပြည်နယ်၊ တောင်ကုတ်ခရိုင် ၊ တောင်ကုတ်မြို့တွင် မြို့သန့်ရှင်းသာယာလှပရေးအတွက် ဌာနဆိုင်ရာများ ၊လူမှုရေးအသင်းအဖွဲ့များစုပေါင်း၍ အပတ်စဉ် စနေနေ့တိုင်း စုပေါင်းသန့်ရှင်းရေးကို လူထု လှုပ်ရှားမှုအသွင်ဖြင့် ဆောင်ရွက်လျက်ရှိရာ ယနေ့ နံနက်(၇)နာရီအချိန်တွင် မြို့ကျက်သရေဆောင် ဖောင်တော်ဦးစေတီတော်ရင်ပြင်နှင့်ဝန်းကျင်သန့်ရှင်း သာယာ လှပရေး အတွက်စုပေါင်း ဆောင်ရွက်ခဲ့ ကြ ကြောင်းသိရသည်။
စုပေါင်းသန့်ရှင်းရေးဆောင်ရွက်ရာတွင် ခရိုင် ၊ မြို့နယ်အဆင့်ဌာနဆိုင်ရာများ ၊ မြန်မာနိုင်ငံ ရဲတပ်ဖွဲ့ဝင်များ၊ လူမှု ရေးအသင်းအဖွဲ့ဝင်များက စုပေါင်း၍ စေတီတော်ရင်ပြင်အတွင်း တံမျက်လှဲခြင်း၊ ပန်း ၊ ရေချမ်းများလဲလှယ်ခြင်း နှင့် စေတီတော်ပတ်ဝန်းကျင်ရှိ အမှိုက်ကောက်ခြင်းများကိုဆောင်ရွက်ခဲ့ကြ သည်။
အဆိုပါ စုပေါင်းသန့်ရှင်းရေးဆောင်ရွက်ရာသို့ ခရိုင်စီမံအုပ်ချုပ်ရေးအဖွဲ့ ဥက္ကဌ ဦးကျော်မြင့်လှိုင် နှင့် အဖွဲ့ဝင် များ၊ မြို့နယ်စီမံအုပ်ချုပ်ရေးအဖွဲ့ ဥက္ကဌ ဦးဇာနည်တိုးအဖွဲ့ဝင်များ သွားရောက်ကြည့်ရှု စစ်ဆေးခဲ့ ကြောင်းသိရသည်။
https://t.me/MyanmarNationalPost
No comments:
Post a Comment