MNP - ဇန်နဝါရီ ၁၉
တနင်္သာရီတိုင်းဒေသကြီး မြိတ်ခရိုင် တနင်္သာရီမြို့နယ်တွင် အားကစားဖွံ့ဖြိုးတိုးတက်ရေးအစီအစဉ်အရ အားကစားနှင့်ကာယပညာဦးစီးဌာနမှကြီးမှူး၍ ကျောင်းတွင်း (ပြေး၊ ခုန်၊ ပစ်) အားကစားပြိုင်ပွဲများကို ယမန်နေ့နံနက်ပိုင်းက အ-ထ-က တနင်္သာရီနှင့် အ-လ-က လယ်တောင်ယာကျောင်း အားကစားကွင်းအတွင်း ကျင်းပပြုလုပ်ပေးကြောင်း သိရသည်။
၎င်းပြိုင်ပွဲများကို မြို့နယ်အားကစားနှင့်ကာယပညာဦးစီးဌာန ဦးစီးအရာရှိ ဦးအောင်သူရစိုးနှင့် ဝန်ထမ်းများက ဆရာ/ မ များနှင့်ပူးပေါင်း၍ မီတာ(၁၀၀)၊(၂၀၀) ၊(၄၀၀) ကျား/ မ အပြေးပြိုင်ပွဲ၊ အလျားခုန်၊ အမြင့်ခုန်(ကျား/မ)ပြိုင်ပွဲ၊ သံလုံးပစ်၊ သံပြားပစ်၊ လှံတံပစ်(ကျား/မ)ပြိုင်ပွဲများကို ပြုလုပ်ပေးရာ Grade-7 အတန်းမှ ကျောင်းသူ/သားများက စိတ်ဝင်စားစွာ ဝင်ရောက်ယှဉ်ပြိုင်ခဲ့ကြီးပြီး (ပြေး/ခုန်/ပစ်)ကစားနည်း အမျိုးအစားအလိုက် ဆုရ ကျောင်းသူ/သားများအား တာဝန်ရှိသူများနှင့် ဆရာ/ဆရာမများက ဆုငွေများ ချီးမြှင့်ပေးကြောင်း မြို့နယ်အားကစားနှင့်ကာယပညာဦးစီးဌာနမှ သိရှိရသည်။
ထိန်ဝင်း
https://t.me/MyanmarNationalPost
No comments:
Post a Comment